هذه القصيده تم نشرها في جريدة المدينه يوم الجمعه بتاريخ 5/8/ 1426 امل ان تنال اعجابكم










الحقيقه

كم بحثت عن الحقيقـه لجـل اوصـل للحقيقـه =في زمان ضاع فيه الحـق فـي وضـح النهـار

الزمـان اللـي خدعنـا ماعرفنـا لـه طريقـه= مادرينـا باتجاهـه فـي اليميـن وفـي اليسـار

صار كل مايجد حتـى النصيحـه مـن صديقـه= والعهود تغيـرت والعيـب فـي صنـع القـرار

والشقيـق الاخ وده يتخـلـى عــن شقيـقـه= في الظروف اللي صغار وفي الظروف اللي كبار

لو نصا له يشتكي له قـال ليتـك فـي حريقـه =مايعبـر لـه كـلام ولا يـرد لــه اعتـبـار

حتى لو انه ضحـك لـه وابتسـم لـه مايطيقـه =لا بيلقـى منـه خيـر ولا منـه يلقـى وقــار

والرفيـق اليـوم لا ينفـع ولا يخـدم رفيـقـه= المصالـح أثـرت فـي كـل فكـر وكـل دار

بيـن لملمـة الشتـات وبيـن الألـوان الغميقـه= انتهى الماضي الجميل ومات في وضع انكسـار

مابقـي للعـز رمـز ولا تـواريـخ عريـقـه= مـن كثـر مايكرهونـه فـي عـذاب وانهيـار

صارت الايام تمضـي مـن دقيقـه فـي دقيقـه= والقلوب تعيش مـن حالـة دمـار فـي دمـار

كنت اقول ليه البشر في حزن وهمـوم وضيقـه =والعوايد ليه ضاعت واجبـرت علـى الانتحـار

المهـم انـي وصلـت فـي النهايـه للحقيـقـه =واكتشفـت ان التلاحـم افتـقـد راي وخـيـار