هذه قصيده كتبتها في يوم السبت الموافق 1423/5/24 هـ
هي عبارة عن مذمه لاوصاف بعض الشباب هدانا الله واياهم
لا يعيب الشخص ان يخطئ لكن العيب هو التكرار في الخطأ نسأل الله العفو والعافيه
عموما
هذه القصيده رغم اني مبتدئ في الشعر الا انني احببت ان انقلها اليكم ولو انها مع بدايتها عبارة عن مذمه لبعض الامور لكنها بداية وهي كما قال الشاعر
وأول الغيث قطر ثم ينهمر
بسم الله ابدا قصيدتي

عجزت أولّف ابياتي أو اكتب ما جرى حولي
عجزت أجمع حروفي لاجل ابين وش هي العلّه
خطر واتباعه الداني مرض عن كلّ الامراضي
هو اللي يتبع الزلّه ويجعل موقفه قلــّه
يجيك بوجه ترضا به والا قفاك لك ناصــي
ترى لو يعجز العادي مواجه قيل تبّ لــه
ترا عيب على الرجال ذا الوجهين ينعابي
وازيد اشعاري ببيت دخيل عالعرب كلـــّه
متابعة الرجل زوجه وشوره شور نسوانــي
يطاوع في قريب له بعيد الناس يحسن لـه
يداري بالكذب زلّه ويقفى الصدق يقفا بي
الا ياجعل من يبدا طريقه شرّ يرجع لـــه
تجيه بتعتذر من ما جرى لك رد باسهابـي
يحاول يقنعك بان الخطا ما منه فيد لـه
تجي متعني لبابه الا ليت القدر جـــاني
يصرّف للقريب وغير ذا القربى له الحلـّه
ضميره ما لقا له ارض حتى الارض بتجـافي
مادامه سوسه وعلّه ووجهه وجه بؤس لـــه
حذاري تصحب امثاله ترى لو تصحبه فاني
ختام القول باصلّي على سيد البشر كلــّه
محمد هو امام الحق وما قلته ترا جانــي ***

*** يعني ما ذكرته في قصيدي حصل لي شخصيا فكتبت هذا القصيد
تحياتي للكلواتمنى تبدون رايكم
ووش رايكم بامثال من يفعل الزلات اللي ذكرت.....؟