انه أسلم ..
أرسلت احدى حكومات الدول الإسلامية قوات من قوات أمنها لكبح المظاهرات التي حدثت فيها، وكانت هذه القوات من البدو التي لا تعرف من الحياة شيئاً، وعندما تدخلت هذه القوات في الشوارع لمنع المتظاهرين سمع أحد أفراد هذه القوات شخصاً من المتظاهرين يهتف (لا إله إلا الله) و(الله أكبر) وبجانبه مجموعة من القوات تضربه فناداهم هذا الجندي: اتركوه انه أسلم

حكايه مسعود مع كلنتون ( لاتفوتكم ).. !!!!!!!
كان مسعود جالس مع شله وكل ما اتكلموا الشله عن واحد نط لهم مسعود وقال أعرفه هذا من أصحابي المهم ما بقى أحد في العالم الا ومسعود يقول أعرفه .. قام واحد من الشباب اسمه مرزوق ،، قال لمسعود أنت كذاب ، قال له مسعود كيف تبغاني أثبت لك ، قال مرزوق يالله نروح لعادل إمام إن كنت صادق ، راحو لعادل إمام ودقوا باب شقته وشوية ويفتح لهم عادل إمام الباب ويصرخ ((الله مسعود أزيك ياراجل ، فينك من زمان ، لازم تتعشوا عندي النهار دا والنبي مش حتروحو أبل العشا)) أعتذروا منه الشباب وبالعافية أتخلصو منه ، قال مرزوق : مستحيل هذي صدفه ،ان كنت صادق قوم نروح لمايكل جاكسون ، راحو لمايكل جاكسون .. وكان يصور فيديو كليب ،المهم يوم شاف مسعود قطع التصوير وراح يجري عليهم ويصرخ بصوت عالي (( واو مسعووووووووود )) المهم يسلموا عليه ويلح عليهم إلا يسهروا عنده ، أعتذروا الجماعه منه وما تركهم الا بعد ماوعدوه بتكرار الزيارة ومرزوق واقف يتفرج وهو راح يتجنن ، المهم قال مسعود لمرزوق : هاه ايش رايك ، رد مرزوق ، الصدفه يمكن تكرر مرتين بس مستحيل تتكرر ثلاثة مرات ، قاله مسعود أختار الثالث من هو ، قال مرزوق : بيل كلنتون ((يوم ما كان رئيس)) , وقفوا قدام البيت الأبيض ولاقوا زحمه والناس مظاهرات والحرس مشددين الحراسه ، قال مسعود لمرزوق : أنت أجلس هنا وخليني أروح أدخل على كلنتون علشان أنا أعرف الحرس الخاص بيه وهم راح يدخلوني عليه ، وراح أشاور لك من بعيد وأنا واقف معا بيل كلنتون ، قال مرزوق طيب ، وفعلاً بعد شوية طلع كلنتون من البلكونة ومسعود واقف معاه وهم يأشروا لمرزوق ..
رجع مسعود لصاحبه مرزوق لقاه مغمى عليه ،، وقام يصحيه ويرش عليه موية ،، ويقول له : كل هذا علشان شاورت لك مع كلنتون ؟؟؟
قال مرزوق لا : بس لمن كنتوا تأشروا ،الأمريكان اللي جنبي كانوا يقولوا مين هذا اللي واقف مع مسعود !!!