الاستديـو التحليلي لحفلة زفاف!!!!!!

بسم الله الرحمن الرحيم
كلمات اعجبني اريد ان اشارك معكم في قراتها............
الأولى: وراك تاخرتي.
الثانية: ساعة قاعدة أدور على عباتي إنتي ماشفتي الحريم يتضاربون عند العبايات..... العبايات تلخبطت.
الثالثة: ياليتنا مارحنا زواجهم.
الثانية: ليش؟؟؟؟؟؟
الثالثة: زحمة مرة .. ماعرفنا نشوف شيء.
الأولى: ماشفتي ذيك اللي كبت القهوة على الحرمة اللي كانت نايمة.
الثالثة: لاماشفتها تصدقين أنا ماشفت ولاشيء في الزواج طول الوقت قاعدة أدور على جزمة بنتي.
الثانية: إيش رأيكم في الفستان اللي لابسته أم العريس؟
الأولى: مو حلو.. محنقط عليها والسحاب باين.
الأولى: أنا أعجبني مكياج أخت العروس . تقول إن أبوها جابه لها هدية من باريس.
الثالثة: تضحك عليك ياهبلاه ، تلقينه شريته من محلات أبو عشرة.
الأولى: بس خلاص يابنات حرام ترى مايجوز نتكلم على الناس.
الثانية: صح والله كلامك ياأختي مايجوز نتكلم عليهم بس شفتي الحرمة اللي كانت قاعدة جنبي على العشاء وتقطع لي اللحم؟؟
الأولى: أيوة شفتها .. متوصية فيك.. شكلها بتخطبك لولدها.
الثانية: وجع في شكلها هي وولدها.. قاعدة تقطع لي من اللحم اللي مايتوكل وهي طايحة في اللحم الزين.
الثالثة: إيش رأيكم في العشاء؟؟
الأولى: بارد.
الثانية: اللحم كبار وكله شحم وعظم.
الثالثة: بس خلاص استحوا على وجيهكم مايجوز نتكلم على الناس .
الأولى والثانية والثالثة::: صح والله ...مايجوز ،،، بس شفتي ،، وشفتي،، وشفتي..

أنتهت
اخواني واخواتي:::
انا فقط حبيت ان انقل الموضوع من جريدة الرياضية من مقال رائع وكاتبه هو خالد بن عبدالله بن فهد الفيصل آل سعود.
ولكن القيل والقال لاينطبق على النساء فقط وبل على الرجال وإن كانت النساء أكثر.....

والموضوع اعجبني لما فيه من ابداع في القصة وعظية فهل انتم معي؟؟؟