(( عزوبي في مدينه وساكن لوحده في شقه صغيره البيت اللي مقابله بيت ابو سامر والبيت اللي في الخلف بيت ابو هلال وقرأت في مذكراته هذه القصه اللي على شكل قصيده منثوره بالعاميه))


صوت وضجيج البارحه في بيت ابو سامر وانا عندي فضول
ودي اعرف السالفه....ومافيه احد عنده خبر....ومدري من اللي اسأله

وقبل العصر جاني اتصال , من غاده بنت ابو هلال..صديقتي بكل صراحه اقولها
اعرفها من عامين او اكثر شوي...... او فالحقيقه اعرف صوتها ...لانني ماشفتها ..... ولا ادري نحيفه اوبدينه طويله او قصيره....مجرد اسمع صوتها , وأسألها عن اخبارها في الجامعه
اشكي لها كل الهموم , واحكي لها كل الامور الماضيه ,وتخطيطي المستقبلي, واتفه سواليفي لها اقولها,
واخطر اموري والعن عيوبي بها علمتها
اسلوبها جدا فريد وكيد النسا فيها اكيد
وما اخفي اعجابي بها , ولا اخفي اني احبها , صديقتي بكل صراحه اقولها

ومع السوالف قلت ويش السالفه... في بيت ابو سامر سمعت البارحه..
صوت وضجيج ... قالت ترا عيب تتصنت على جيراننا ، قلت العفو الصوت هو جاني انا مارحت له.
قالت عموما ترا هي السالفه بسبة سعد , تعرف سعد . عمره خمستعشر سنه , قلت اعرفه
قالت مسك اخته هدى , اللي عمرها احدعش, ضربها من دون اي سبب.
ويقول لازم تلبسي غطوه وعباه , وما تلبسين الا الطويل, وملابس ابخت الرجال اتليق..... ممنوع لبس البنطلون... وممنوعه من لبس القصير...
والويل لو تتبرقعين .....الغطوه هي لبس الحجاب... والبرقع برايي سفور..
وممنوعه من فل الشعر حتى ولو في بيتنا....
ولاتكشفين اعلى احد , لو هو ولد عم (ن) صغير...
ولا تطلعين الا يكون احد(ن) معك.... والويل لو خالفتني, بيكون موتك في يدي.
والبنت ياعيني بكت, وتصرخ وتدعي امها... شوفي سعد يضربني من دون اي سبب....والام حاشتها بعيد , وتهاوش الابن العنيد... يالله انقلع.
والشيخ ابو سامر وصل, شالسالفه شاللي حصل.
والام قامت تشتكي, وتعلمه ابكل شي
والاب ناظر في سعد ويعاتبه: اختك صغيره وش بلاك,يالله انقلع ولاتعيدها.

لا يايبه... كان الجواب
البنت لازم تحتشم, من حشمة الدين الحنيف..واطباعنا وعاداتنا اللي توارثها اهلنا
مانبغى بكره ننجرف, مثل الكثير اللي انحرف
ويقلد الهابط بدعوى هابطه, انها حضاره او تقدم او رقي...يابوي انا شفت الكثير...... وسمعت عن شي(ن) كثير....
ماعاد به غيره ولانخوه يالله سترك يا كبير
قال له ابو سامر خلاص ..... خلنا ننام , وفي الصباح يحلها الهادي البصير.

وفي الصباح اخذ معه بنته منال, اكبر تراها من سعد.. وراحوا على سوق(ن) قريب......شروا ملابس الهدى.. فيها عباه وغطوه واحرامٍٍِ جديد ٍِ للصلاه , غير القديم اللي معاها
ويافرحة آخوها سعد........... من شافها متحجبه
اقبل وهو طاير ومنها يعتذر .....ويحبها بجبينها
وتبسمت لاجله هدى ........ بسمة رضا

هذي تراها السالفه..ياجارنا ياللي بعدني مااعرفه ... وانا بعد اذنك اباذاكر واصلي ... وانت استعد قرّب ترا وقت الصلاه....مع السلامه قفلت. من غير ماتبدي براي
ورحت انا اصلي العصر.....وقابلت في المسجد سعد...لابس شماغ ولابس عقال..
اقول له مبروك هاللبس الجديد
قال اشكرك هذا هديه من ابي......عقاله اللي من سنين.....