في احد المنتديات الجنوبيه سأل عضو جديد من أهل الكويت توه مسجل في المنتدى

ودخل (من قرادة حظه:D ) الى منتدى الشعر وكان فيه فحوله في الشعر

وسأل عن الجنوب وأهاليها بتهكم وقال انه لم يسمع بها الا عند غناء محمد عبده وكان الرد

قاسي من الشاعر عبدالله الشهراني وهذه

هي القصيده :-


يالكويتي كان تسأل عن ديار الجنوب = فاستمع نص الاجابه عسى ترضى بها

حن مثل نار براس العلم فيها لهوب = كل خلق الله تشاهد رفيف شهابها

ماامحينا من الخريطه من اسباب الحروب =صامدينٍ في وجيه الفتن واسبابها

وما يعرّفنا لحن((مرني عند الغروب )) = واغنية فنان في مسرحـــه غنا بها

عن دروب المجد والعز لايمكن نتوب = مالنا الا القمه النايفه نرقــــــابها

في الرخا نعمه وفي الحرب ذنب من الذنوب =انشدوا موسوعة المجد وش بكتابها

من رحل منا لباقي القبايل والشعوب = صار شيخ سمعته في العرب يحكى بها

وعجلتنا من شفقنا على فعل الوجوب =ما تـعـجل لـلـمراجـل سوى كـسّابـهـا

وحن قبايل نقتضي من وفانا كل نوب = من قبل بعثة محمد تـعـود انسـابـهـا

لاتحسب ان مابه الا عتيبه والحروب = كل ديره عامرة تحت ضل اصحابها






وهذه قصيده اخرى قالها شاعر اخر يسمى شاعر الازد وانتقد من يسمي اهل الجنوب بصفر

سبعه (نسبة الى مفتاح المنطقه ) وهذا نصها :-


بعض الخلايق سبني صفر سبعه

وانا افتخر واعتز في صفر سبعه

الفاتحه ابدا بها كل ركـــــــــعه

وايـــــــــاتها ياناقص العقل سبعه

تلاوة القرآن في الاصل سبــــعه

وابواب تعذيبه في الحشـــر سبعه

والله خلق الايـــــــام للخلق سبعه

والله رفع سبع وفي الارض سبعه

واطوف حجـي على البيت سبعه

واسعى لطاعة منزل الوحي سبعه

اعضا السجود لرازق الخلق سبعه

ووتر لرب العرش في الليل سبعه

وعجايب الدنيا في الارض سبعه

ومعلقات البدع والشــــــعر سبعه




تحياتي للجميع

أخوكم الملكي