ترف تكتبني الفكره سرف يظلمني الجمهور
تباريح الوله في داخلي يجتاحها صوره

أصورها على غفله لناسٍ غايبين حضور
وعن ناسٍ مشاعرهم من الايام مكسوره

تعب قلبي يرفرف في قفص ما يعرف العصفور
وتعب صدري يضم القلب ويقول انت عصفوره

أنا قلبي ورق قلبي أرقَّ ولو بدى مكسور
وحرفي سيفٍ مجرد ولكن بيد مبتوره

نخيت الحرف يشرح لي بقايا حلمي المكرور
اشوفك بالمنام وينتهي حلمي على ثوره

يثور الشوق ثورة حزن لو ما هي على المنشور
يتيه الفكر بغيابك وشعري يبتدي دوره

أن شاعر تحت خيمه خياله ما يحده سور
كتب شعره خلاوي وابتنى من شعره قصوره

يذوب بداخله نقطه تلون حظه المقهور
وترسم له أمل من وجه محبوبه ومن نوره

شرف يا حلمي المضنى بانك للوفا منحور
وخرف يا كل من فكر يمارس بالخفا زوره

ترف نكتب قصيده لاجل نرضي رغبة الجمهور
وسرف نكتب مشاعرنا بنبض قلوب مفطوره

حبيبي لا تطيع اللي يريدك تكشف المستور
ثقه قل له مشاعرنا عفيفه ما بها عوره

سعيد الغامدي