..........................( ؟ ).........................

طبعا

المقصود

بالاجانب

هم

الاشخاص

العاملين بالسعوديه من غير الجنسية السعوديه ..

احد الاجانب سألني سؤال غريب :

يقول طال عمره ( الاجنبي ) انت وش هي حقوقك وما هي واجباتك ..؟

طبعا بحكم تخلفي وعدم معرفتي بما تعنيه الحقوق والواجبات قلت له الله اعلم

والله يا اخي مدري انت تتكلم عن ايش ..؟

قال لي الاجنبي : مصيبه اذا انت ماتعرف حقوقك او واجباتك .

قلت له ليش ..؟

قال : حتى الحمير تعرف الاجابه عندنا .

قلت : وش قصدك ..! يعني انا حمار ما افهم .

قال لي : العفو سيدي , لكن كان تعبير مجازي بحت .

قلت له اشوا .., تراني فهمتك وش تقصد بالحقوق ,, هل هي الحقوق اللي نروح نشتكي فيها ؟

قال : لا , الحقوق يااستاذي هي قانون مكتوب ومتفق عليه يوضح مالك وماعليك في المكان

الذي تعيش فيه وتعيش فيه اسرتك .

قلت له : والله ماخبرنا شيء حسب معرفتنا يوضح حقوقنا , اذا حصل مشكله نروح لاقرب

مركز شرطه ونشرح للعريف شكوانا , اذا كان سعادته فاضي كتب لنا محضر , واذا ماهو فاضي

قال لك : راجعنا الصباح والصباح رباح واذا قلت له ابغى حقي الحين قال لا ترفع صوتك واحترم نفسك ..

هذا مثال , والبلاوي كثير , والله ماعرفت الحقوق , كل ماتعلمته انك تاخذ حقك بيدك والبادي اظلم .

اما اذا كنت تقصد الحق المادي والمعنوي والشخصي فما حولك احد ...! , عندي عدد من الابناء متخرجين

من الجامعه من كم سنه ولا لقينا لهم وظايف تغنيهم وتغنينا عن السؤال والسبب الحقوق ضايعه .

قال الاجنبي له : اجل مابنخاف على مستقبلنا عندكم .

قلت له : لا تخاف خل الخوف علينا طالما ان الطاسه ضايعه عندنا ,....!!!!