بعض العادأت السيئه الذي نلاحظها في مجتمعنا بمعنى(((قلة أدب)))!!!



إنك تروح للمسجد بملابس رياضة أو قميص نوم بينما تروح لربعك بثوب مكوي وطيب يشق الخشم !

إنك تتصل على ربعك كل يوم وعادي تقعد معه نصف ساعة أو أكثر بينما عمك أوخالك أو عمتك أو خالتك لهم شهور ماسمعوا صوتك !


تدور بسيارتك بالساعات وماتخلي شارع ما ( شبرته ) وحفظته وكل هالدوران غالبا لأسباب بينما أهلك لويبون مشوار ساعة وحدة قلت : ( الليموزينات واجد!)

إن الواحد يضبط ساعته على الدوام بينما صلاة الفجر مايدري متى وقت أذانها !

إن الواحد يشتري الأغاني بالشيء الفلاني ويسمعها بينما مستحيل يشتري شريط إسلامي ولو بخمسه ريال ولو يهديه واحد شريط إسلامي سجل عليه (اغاني) !

اذا جيتي تطلعين لعرس او لصديقاتك تتزينين وتتعطرين واذا جلست عند زوجك تقعدين بدون
زينة ويمكن ريحتك بصل!!

ان الوحديقعد على التلفون ساعهويقعدفي صلاته دقيقه

اذاطلعت البنت من البيت وهي كاشخه وريحة عطرها واصله اخر الشارع وتقول للشباب لا تلحقوني ؟؟

إن الواحد يشوف( قلة الأدب )ولايقول عنها( قلة أدب ) !عادي عقلة في راسه؟؟؟

انك تحصل واحد يحترم الناس كلها الا امه او ابوه تلقاه يكلمهم بطرف خشمه

انك تشتري كل اللي نفسك فيه ويوم يجي طاري الحج او العمره قلت انا ما عندي فلوس وانا غير مقتدر

انك تكون جالس في المدرج وتسمع الاذان ومن بعدها الاقامه وانت مكانك وكأنك مثبت بمليون مسمار على كرسييك؟؟؟؟

لماتشوف واحد في الشارع وتستصغره ولا تسلم علي

اذا قدم لك صديقك خدمه وأنكرت فضله عليك

انك تحط سيارتك عند باب جارك ..وعندك مكان ابعد شوي..

لما تجلس بمكان عام تتقهوى انت وعيالك..وتقومون وزبايلكم وراكم..
مع ان صندوق الزباله حولك...

انك تكون مسئول عن عمل يتوقف اداؤه عليك..وتطنش وتتأخر
ويتحمل الباقين مسئولية إهمالك

انك تطولي لسانك على الشغاله..وهي بسن امك علشان شغله ممكن تسويها بنفسك((ليس منا من لم يوقر كبيرنا))

لما تعزمين صديقاتك وتخلين الوالده تسوي قهوتكم وتجيبها لكم..وتسوي عشاكم ..وانتي مشغوله بالسواليف

لما ترفضين شريط اسلامي او كتيب من احد الدعاة..بينما لو اعطاك شريط لمطرب العرب كان ماتدرين شلون تشكرينه

انك متعلم وحاصل على شهاداة عليه..وماتفقه اقل شي في دينك

أنه مانشوف القرآن إلا من الجمعه للجمعة عشان الكهف ..


ان نسهرساعه على النت ولا نصلي لو ركعه لله


تقبلوا خالص تحياتي الوسام
منقول