Tweet
من فتره ارسل لي شخص عزيز علي بيت شعر جميل في البريد وختمها .بايه ( والشعراء يتبعهم الغاوون) .... وفي الحقيقه انه لفت نظري بمايدور في وسط الساحه الشعريه من عك ولك وعجن لين صار القصيد عصيد .... وتشوف كل من هب ودب يبغا يصير شاعر ،،، لدرجة ان بعضهم قام يشتري الشعر وكنه يشتري له صندوق برتقال ... واصبرو بعد اشوي تشوفون بعض السوبر ماركات تفتح ركن عندها تبيع قصايد مشفره ..!! .. ماعليك بس الا تشتريها وتحط اسمك عليها ويبرز نجمك وتصير الشاعر الفلاني مع انهم لو يسألونه في بعض أوزان قصيدته في أي برنامج كان رد عليهم وقال لو سمحتوا بلاش ندخل في الخصوصيات !! (( الدلخ يحسببهم يسئلونه عن وزنه) وطبعا هذا نقص ولو نجي للشاعر الحقيقي نلقاه هو بعد بياع حكي يكتب كل شي حتى لو جلس على الغدا ولاحظ الدجاجه مايله على طول جاه الهامه وطلع له في بيت وهو يصب المرق على الرز وقال .مال صاحبي ((يقصد الدجاجه))و مالت الدنيا وش بيده وبيدينا …تعال يا صاحبي الله يخلف على امك وعلينا......
المهم ان الشاعر اشوي وينهبل من كثر مايتصور هالدنيا ذي كلها بيت قصيده وجالس ينبش ابها يمين وشمال ويعصر هالراس ماغير يفكر ولا بغيت تعرف الشعار عند اشارات المرور ... لاشفته حاطن اصابعه على جبهته وجالس يفرك ابها ،، ولا رافعن غترته على ورا ومسبسب الشعر ويلعب بالقذله اعرف انه متورط على اخر بيت ماهوب عارف يختمه المهم يحاول انه يظهر له أي بيت يبين فيه انه حكيم وهو لو تقوله تعرف ايه عن المنطق؟.قال اعرف ان البعير لو تحطه بين غنم ماتحطش منطق (( يقصد الشوار ))
والشاعر نادر مايكون صادق في قصيدته ودائما ما يكتب القصيده على انها لمحبوبته وفي الحقيقه كلهم محابيبه والقصيده لهم كلهم .اذكر مره خذتني الغيره من بعض الشعار شفت حظهم قايم وهالناس وراهم قلت ابغا اسوي زيهم وش مصعبها يعني ركب كلمتين خلف خلاف مع بعض وتظهر قصيده غريبه وكلها فلسفه المهم اني عرضت قصيده على مدير التحرير عبدالله العتيبي وفي الحقيقه انه شجعني كثير عقب ماقراها وقالي في الحقيقه ان قصيدتك اكثر من رائعه ،، بس ياليت تقولي يا رفيع فيه عندك هوايه ثانيه غير الشعر قلت له ايوه احب البلاي ستيشن .... قالي ركز على هالهواية (البلاي ستيشن) ووحاول تنمي موهبتك فيها ..!!!!... وانا خوك اصرف لك ..... (( صدمني حسبي الله عليه كنت متعشم اسوي عقبها امسيه شعريه في الاحساء واستغل فرصة دوس التمر )) ... !!
واللي زاد الطين روج وكريم اساس هو دخول بعض الشاعرات في ساحة الشعر ومناطحة كبار الشعار في قصايد لاتخلو من عطور فرهاند اكريستانديو والكلاوستو .واصبح يغنى لهم القصيد وينذكرون على كل سيره وبعضهم زاد عندها القريحه الشعريه بعد هجر ولا قطيعه عاطفيه وبدت تسطر اعنف حروف الآهات بلوعة الفرقا وهلت لنا من هالقصايد لين جمعت ديوان ونزلته للسوق (( حسبي الله عليه اللي زعلها ابلشنا ابها وغثنا الله يغثه )) ... واللي ساعد على استمرارهم تبني بعض المجلات والتلميع لهم على حسب المواصفات الجماليه ولأسف شفنا هالشي من بعض المجلات اللي خذت جمال الشاعره ركيزه لانطلاقها في سماء الشعر والتحليق فوق روسنا بقصايد مكسور الشكمان حقها ، لكن الحمد لله ان قراءة القصيده ماهيب اجباري من قبل الدوله ولا كان عيادة الدكاتره النفسيه اكتظت من المراجعين بطلب اعفائهم من الخدمه الالزاميه في قرائة العصيد ،،
المهم ان الشعر ماهوب بسيط مثل ما كثير من الجاهلين فيه امثالي يعتقدونه اتضح انه بحر من الحكي والطلاسم وربي يا كم قصيده راحت عليها دفاتر العلوم ودفاتر الجغرافيا ودفاتر البزران ودفاتر سندات قبض وكوروكي عقاريه (( شعار عقار )) ويمكن حتى قصاصات الجرايد والشاعر حتى ان بعض الشعار المهوسييين بالشعر لا طلبت منه زقاره وطلع لك البكت حق الزقاير ولا كنه مطلع مجله شعريه من مخباه ماهوب بكت من كثر الشخبطه فيه يعني على كذا لو يجمع له عشر كروز زقاير الكرز الاخير يكتب فيه مقدمة ديوانه وعمر الشاعر مايركب سيارته ولا فيها ورق وقلم (( طبعا حج وحاجه منها للترقيم ومنها لاجات خاطره عند الاشاره فاكه القذله مع سواقها يسجلها ))و الشاعر يوم يكتب قصيده بالاصل هو كذاب رسم في خيالة قصه وبدا يحيك لها سينارو في قصيدته حتى يبدا يعيشها ويصدق كذبته والمشكله ماهيب هنا المشكله ان كاتب القصيده او الشاعر بعد فشل القصيده يحمل ذوق الجمهور المسئوليه في فشلها ويبغانا غصب نقول حلوه .وغصب نقول شاعر . ...بس صراحه انا اكثر قصيده عجبتني لذاك الشاعر اللي يقول ..
جاني مرسول من حبيبي طايره بقرطاسه ...تقول فيها ابعد يا فلان معاد ابغيك ..
يا ويل كبدي على من يكفخها بطاسه..يمكن عقب صدها لي الشينه تجيك…
ذبحتني يوم شاهقتني ويوم عطاسه..كني كرتون مناديل وقت الزكمه تطريك..
المهم في النهايه لاتحسبوني اني اقلل من قدر الشعار والشاعرات لا عندنا بفضل الله شعراء وشاعرات في قمة الروعه ..بس للأسف تشوفهم ثاقلين علينا حبتين يعطونك قصيده في كل سنه مره فا ياليت دخلاء الشعر اللي غاثينا بعد كل فرض صلاة يحذون حذوهم يصيرون احسن منهم ويعطونا كل خمس سنين قصيده
منقول من منتدى الساخر
تحياتي
الباشا
المهم ان الشاعر اشوي وينهبل من كثر مايتصور هالدنيا ذي كلها بيت قصيده وجالس ينبش ابها يمين وشمال ويعصر هالراس ماغير يفكر ولا بغيت تعرف الشعار عند اشارات المرور ... لاشفته حاطن اصابعه على جبهته وجالس يفرك ابها ،، ولا رافعن غترته على ورا ومسبسب الشعر ويلعب بالقذله اعرف انه متورط على اخر بيت ماهوب عارف يختمه المهم يحاول انه يظهر له أي بيت يبين فيه انه حكيم وهو لو تقوله تعرف ايه عن المنطق؟.قال اعرف ان البعير لو تحطه بين غنم ماتحطش منطق (( يقصد الشوار ))
والشاعر نادر مايكون صادق في قصيدته ودائما ما يكتب القصيده على انها لمحبوبته وفي الحقيقه كلهم محابيبه والقصيده لهم كلهم .اذكر مره خذتني الغيره من بعض الشعار شفت حظهم قايم وهالناس وراهم قلت ابغا اسوي زيهم وش مصعبها يعني ركب كلمتين خلف خلاف مع بعض وتظهر قصيده غريبه وكلها فلسفه المهم اني عرضت قصيده على مدير التحرير عبدالله العتيبي وفي الحقيقه انه شجعني كثير عقب ماقراها وقالي في الحقيقه ان قصيدتك اكثر من رائعه ،، بس ياليت تقولي يا رفيع فيه عندك هوايه ثانيه غير الشعر قلت له ايوه احب البلاي ستيشن .... قالي ركز على هالهواية (البلاي ستيشن) ووحاول تنمي موهبتك فيها ..!!!!... وانا خوك اصرف لك ..... (( صدمني حسبي الله عليه كنت متعشم اسوي عقبها امسيه شعريه في الاحساء واستغل فرصة دوس التمر )) ... !!
واللي زاد الطين روج وكريم اساس هو دخول بعض الشاعرات في ساحة الشعر ومناطحة كبار الشعار في قصايد لاتخلو من عطور فرهاند اكريستانديو والكلاوستو .واصبح يغنى لهم القصيد وينذكرون على كل سيره وبعضهم زاد عندها القريحه الشعريه بعد هجر ولا قطيعه عاطفيه وبدت تسطر اعنف حروف الآهات بلوعة الفرقا وهلت لنا من هالقصايد لين جمعت ديوان ونزلته للسوق (( حسبي الله عليه اللي زعلها ابلشنا ابها وغثنا الله يغثه )) ... واللي ساعد على استمرارهم تبني بعض المجلات والتلميع لهم على حسب المواصفات الجماليه ولأسف شفنا هالشي من بعض المجلات اللي خذت جمال الشاعره ركيزه لانطلاقها في سماء الشعر والتحليق فوق روسنا بقصايد مكسور الشكمان حقها ، لكن الحمد لله ان قراءة القصيده ماهيب اجباري من قبل الدوله ولا كان عيادة الدكاتره النفسيه اكتظت من المراجعين بطلب اعفائهم من الخدمه الالزاميه في قرائة العصيد ،،
المهم ان الشعر ماهوب بسيط مثل ما كثير من الجاهلين فيه امثالي يعتقدونه اتضح انه بحر من الحكي والطلاسم وربي يا كم قصيده راحت عليها دفاتر العلوم ودفاتر الجغرافيا ودفاتر البزران ودفاتر سندات قبض وكوروكي عقاريه (( شعار عقار )) ويمكن حتى قصاصات الجرايد والشاعر حتى ان بعض الشعار المهوسييين بالشعر لا طلبت منه زقاره وطلع لك البكت حق الزقاير ولا كنه مطلع مجله شعريه من مخباه ماهوب بكت من كثر الشخبطه فيه يعني على كذا لو يجمع له عشر كروز زقاير الكرز الاخير يكتب فيه مقدمة ديوانه وعمر الشاعر مايركب سيارته ولا فيها ورق وقلم (( طبعا حج وحاجه منها للترقيم ومنها لاجات خاطره عند الاشاره فاكه القذله مع سواقها يسجلها ))و الشاعر يوم يكتب قصيده بالاصل هو كذاب رسم في خيالة قصه وبدا يحيك لها سينارو في قصيدته حتى يبدا يعيشها ويصدق كذبته والمشكله ماهيب هنا المشكله ان كاتب القصيده او الشاعر بعد فشل القصيده يحمل ذوق الجمهور المسئوليه في فشلها ويبغانا غصب نقول حلوه .وغصب نقول شاعر . ...بس صراحه انا اكثر قصيده عجبتني لذاك الشاعر اللي يقول ..
جاني مرسول من حبيبي طايره بقرطاسه ...تقول فيها ابعد يا فلان معاد ابغيك ..
يا ويل كبدي على من يكفخها بطاسه..يمكن عقب صدها لي الشينه تجيك…
ذبحتني يوم شاهقتني ويوم عطاسه..كني كرتون مناديل وقت الزكمه تطريك..
المهم في النهايه لاتحسبوني اني اقلل من قدر الشعار والشاعرات لا عندنا بفضل الله شعراء وشاعرات في قمة الروعه ..بس للأسف تشوفهم ثاقلين علينا حبتين يعطونك قصيده في كل سنه مره فا ياليت دخلاء الشعر اللي غاثينا بعد كل فرض صلاة يحذون حذوهم يصيرون احسن منهم ويعطونا كل خمس سنين قصيده
منقول من منتدى الساخر
تحياتي
الباشا
تعليق