أحبتي الكرام
السلام عليكم ورحمة الله وبركاته

ابيات اعجبتني للشاعر الكبير/ سلطان بن وسام الهاجري


قالوا علامك لحيتك كلها شيب **** قلت الزمن سوابنا هالسوايا
خذنا من الدنيا دروس وتجاريب ****وقت عسفنا مثل عسف المطايا
لنامواجيب وعلينامواجيب **** والوقت يلحق بالكوايا كوايا
والعسرشين وتركة الواجبه عيب ****والعذرمايملا البطون الخلايا
بشايةاللي يعلم السروالغيب **** الواحد القهار رب البرايا
مايفرحون مدورين العذاريب**** نقالاة النمه خباث النوايا
لناعلى الطيب حقوق ومواجيب****والا الردي جعله لرجله حذايا
حتى لونه من كبار المناصيب **** وحتى لونه من دهاة الدهايا
واليابغينا الطيب ننصاهل الطيب **** اهل الوفاسترالظهور العرايا
على ظهورالعيس شهب الغواريب**** اماوروث جدودوالاشرايا
تومي بنا ونلحها بالعراقيب **** وظهورهامثل ظهورالحنايا
عقب الصلف نبغا خيارالمعازيب **** الروس خوياوالركايب ونأيا
ميرادها هداج عذب المشاريب **** هداج بهاج الكبود الضمايا
عدالروا مافيه شك ولا ريب**** لاجاالصحيح وقفن الحكايا
سلطان ابن شقران عطب المظاريب****منصا الركاب الوانيات الحفايا
طلق الحجاج ابوهلا والتراحيب****للطيب في وجهه رسوم وحلايا
حرتسلسل من علو المراقيب****ولد محمد والخوال الطنايا
ابوه يوم انه عوا الذيب لذيب**** قادالسرايا في نحور السرايا
حكام نجد مطوعين الاصاعيب**** والطيب الاول باقيله بقايا
في وجيههم مثل اللحا والاشانيب****من عادهم فظهورجردالسبايا
ياقوم ياجساس والزيروكليب****لافاحت دمي النشاماحمايا
والسترطارمن البني الرعابيب**** بيوم يخلدبه حميدالسجايا
انتم هل الطولات وانتم هل الطيب****وانتم هل الفزعه سهوم المنايا
واسلم يابونايف حصان الاطاليب ****وهذه هديه من صغارالهدايا

تحياتي للجميع