Tweet
قصيدة للشاعر الكبير (( عبد الواحد بن سعود )) في حفله أقيمت مؤخراً في قبيلة بالقرن
يافخامة وياصاحب جلالـة وياصاحـب سمـو
لاتقولون وش دخلك ما تنكرون انـي مواطـن
وان من حق الانسان المواطن يقول اللي يقـول
لايضايقكم اللي نطلبه ما نبي منكـم وظايـف
عندكـم مايكفيكـم مـن الاخويـا والحاشيـة
مانبي مانبي منكم عمارة بيوت ومنح اراضـي
فإن ماظل شبر الا عليه امر سامي خـل صـك
مانبي مالنـا اللـي مـا تعلمتـم الا تنهبونـه
ولطشوه اليهود ووقفوكم علـى بـاب الطفـر
وضعكم يكسر الخاطر يالاثنين والعشرين شارب
كل مامر خمس سنين جتكم تمرمطكـم عجـوز
والذي لا اله الا هو انـا نـدور شـي واحـد
انكم ماتردون المجاهد عـن ابـواب الجهـاد
إما لن كان قمتكم مثل ما سبقها مـن مهـازل
كلها شجب واستنكار واسقـاط وتبـادل تهـم
مانحن ناقصين هروج يالله لنا فـي ماسمعنـا
ليتكـم تسكتـون وليتكـم تبلعـون العافيـة
تعليق