Tweet
عــــــــــزاء فلسطيــــــن !!!!!!!!!
أسعد الله صباحكم بكل خير وسرور
قصيدتي تتمحور حول مواضيع عده ،،والاهم مافيها قضيه فلسطين
اللتي اتمنى من المولى عز وجل ان يفك غزه من براثنة اليهود
وتصبح غزه باحسن حال وترجع لنا كما عهدناها سابقاً
بسـم الله المعبـود عـلام الاسـرار
الواحـد اللـي كلنـا لـه مطيعيـن
ابدأ وانـا كلـي امـل تطفـي النـار
اللـي بصـدري مشعلتهـا البراكيـن
يالعنبـوه الوقـت يـانـاس غــدار
يقتل طموحن عايشـه قبـل عاميـن
اصبحت اشوف الجار يقسى على الجار
وامسيت ادور للفرح درب مـن ويـن
صحيح والله مصعـب الوقـت لاجـار
وصحيـح والله تنـخـدع فالوفـيـن
يالادمي خلك علـى الجـرح صبـار
وارسم طريقك زين لاترسمـه شيـن
واعرف خويك قبل لاتصيـر محتـار
تنشب بعدها فـي عقـول المجانيـن
واحذر تحاول تفشي ابصدرك اسـرار
خله بصدرك منكتـم واحفظـه زيـن
وابحث عن اهل الطيب في كل الاقطار
واحفظ مجالسهـم معـك فالدواويـن
لاجيت تحلـم احلـم اتصيـر مغـوار
من شان تشهد لك حشـود الملاييـن
خلك كذا عايش على صـد الاشـرار
تسلم ويسلم راس من يحفـظ الديـن
في موقفك خلك كمـا السيـف بتـار
لاينحنـي موقفـك بالعسـر والليـن
واخذر الحذر لاتمشي ابدرب الاخطـار
هذي نصيحه والنصايـح تـرى ديـن
في دنيتك حاول تناسى اللـذي صـار
ولا تلتفت للخلـف ويسـار ويميـن
السالفـه غـزه بهـا فتـك وادمـار
وياكم بها قتلا ونـاس(ن) جريحيـن
الا متى نجلس على رقـص مزمـار
والشعـب ماهمـه قضيـه فلسطيـن
هذي علينا يالعـرب تنحسـب عـار
لاواحسايف ويـن صـولات حطيـن
ياناس انا مرضى على القدس تنهـار
واكيـد ماترضـون مثلـي واكيديـن
يالله بنا ناخـذ مجنـن هـل اشهـار
ونهجم بيم القـدس يانـاس هالحيـن
ترى العرب ماهمهـا قتـل واحصـار
ولاهمهـا والله قضـيـه فلسطـيـن
اكبر هموم الشعـب فالجيـب مليـار
ويحط لـه لكـزس وفلـه بدوريـن
واختامهـا للـي عليمـن بـالاقـدار
الواحد اللي خالق الناس مـن طيـن
أنه يديـم الأمـن فـي ليـل ونهـار
ويجعل قلوب الناس من عسر في لين
وسلامتكم
