Tweet
شكى القاف من همه ولاك الحروف لوك=ونادى على اهل الشعر في دورة الافلاك
يقول اش تبوا بي مل من سمعي الملوك = وانا كنت قبل اليوم لاهل الهوى ملاك
وصاح اتركوني دامني صرت شي معلوك =ولا لي رساله واضحه فاسلني واسلاك
على الحب صبوني وحولي لوو الشبوك =وبالانفصام اصبحت وصمة جوى يلاك
خيالي خوى خالي وخيي ونخل اخوك =ونخوات مخنيه خياها انخوى خلاك
تعبنا من اهل الزور وش حال لابلوك =وكلن على ليلاه غنى وهو مكلاك
حرام ا ن بي غصه على ناس في دهوك=وفي مسجد الصخره تقل بالخفوق اسلاك
فلا معتصم يبدي ولااحدن سمع مبروك =ولا العار حرك شيخنا والشباب أهلاك
الا يامهاجر جر صوته على المتروك =وجز الخفوق الي من اول عليه ابلاك
يذكِّر ولاذكرى ففي الميت المهلوك =حرام ان ضربته ماصلاني ترى صلاك
نسينا المرؤه واستوى حال راعي الروك=وفي الوحل غنينا وياذلنا ماحلاك
انا مادري العالم يحسون باهل اللوك =او ان البلاده صارت احلى ويامغلاك
تبعنا هوى الشيطان واختلّت السلوك=وطعنا ندى الداعي الذي قال عد للاك
على الحب غنو واتركونا من المسبوك=ويابو الثمان البيض ياعلني ماخلاك
تعليق