السلام عليكم

هذي شيله للشاعر المبدع / عبدالعزيز العريني السبيعي
من أجمل الشيلات اللي سمعتها ، أتمنى تنال على اعجابكم

على ذكرى الزمان الي مضالي هل دمع العين
تذكـرت السنيـن الاولـه والدمـع همالـي
يلج ابداخلي ذكر ربوعـي والزمـان الزيـن
وفكري من هموم القلب وصدوف الزمن خالي
يورى في عيوني مجلس الشايب وبيت الطيـن
مداهيل الرجال الـي لهـم بالطيـب منزالـي
مجالسهم مجالس لشجاعة والكـرم والديـن
تنومس راعي الطالـة وتغبـن كـل بطالـي
ماهي مثل المجالس ذا الزمان الي قبوله شين
مغير السالفه وسط السياسة واسهـم المالـي
اخذت ابسجتي ساعة بعد مافقت مـدري ويـن
زواني هم قلبي عقـب جيـت الـدار بلحالـي
غدت عيد النخل صرعا وطاح السور والبرجين
تصدع وانهدم جنبـه وزرنـوق اللـزا مالـي
ولاباقي سوا السدرة والاثله تبكـي الماضيـن
مع البركة وبرجستـن حديـد مصـدي بالـي
تكلم عن زمان راح يوم المد عـن عشريـن
تريد ابه الثنا مـادورت بـه قـرش وريالـي
زمان راح مايمكـن يعـود ودق فيـه البيـن
انا مالي سوا الذكرى ولوهـي كـدرت حالـي
الايادار ويـن اهـل الكـرم والابـة الوافيـن
صورهم في عيوني وايـن ماوجهـت تبرالـي
الاياوقتنا الي سم حالي فـوق عشـر اسنيـن
على فقد النشاما كـل غالـي يتبعـه غالـي
بكيناهـم بدمـع حـرق الجفيـن والخـديـن
ولوكان البكـا مـارد لـي عمـي ولاخالـي
انا وقفت من فوق القبر عقب العصر ياحسيـن
علامة الحزن فوق الوجيه وصـرت مهتالـي
اسولف مع هجوسي وانشد الخاطر بحين وحين
زمان اول لحقتـه صـدق ولا هـو يورالـي
بكينهم وحنـا نـدري انـا عقبهـم ماشيـن
تـر دنيـا الفنـا ميقـاف منـزال وترحالـي
الا يالايمي خـل الملامـه واتـرك التخميـن
انا شاعر واعبر عن شعـور دق فـي بالـي

اعجبني ونقلته لكم ومن اراد تحميل المقطع الرابط اعلاه او
هذا رابط فيديو جزاه الله خير من وضعه ونقله لكم

اتمنى لكم استماع ممتع بارك الله فيكم