Tweet
السلام عليكم
هذي سالفه قراتها وحبيت انقلها لكم
السالفه من التراث النجدي
بقلم:الدبي
من مجالس القصيم
بطل القصه ابو عبدالله
ابو عبد الله رجل على باب الله ماعنده من حطام هالدنيا الا كم نخلة سكري عايشن عليهن هو وعياله
يعني يقوم الصبح يطلع من بيته الشعبي الملاصق للمزرعه الي به النخل ويترزق الله ويرجع لبيته
ابو عبد الله احيانا تحده الظروف انه يتسلف من التجار علشان يشري مقاضي للبيت
المهم كثرت الديون على ابو عبد الله وهو رجال مايحب يصير عليه ديون وحساس ومايبي اذا مات مايلقون عياله عنده الا ديون لفلان وعلان
قامت الديون تلاحق ابو عبد الله وين ماراح
وخلته مايختلط بالناس من البيت للمسجد اول مايصلي يطلع على طول ومايسولف مع الجماعه ويمشي مطرق راسه للارض يفكر
استمر على هالحال كم يوم
ومرة من المرات وابو عبد الله يمشي سمع صوت من بعيد يناديه
ابو عبد الله ابو عبد الله وياقف ويلتفت للخلف ويشوف ابو عثمان رجل كان يسولف معه قبل يشيل هم الدين
رد عليه ابو عبد الله قال سم يا بو عثمان
ابو عثمان قال له وشفيك يابو عبد الله ضايقن صدرك ترا الدنيا ماتسوا
علمه انه شايل هم هالدين الي عليه للناس ومايدري وشلون يسدده
قال له ابو عثمان يابو عبد الله بع النخل الي عندك وسدد الدين وريح راسك
قال له جزاك الله خير على النصيحه وكمل طريقه ابو عبد الله وهو يفكر بكلام ابو عثمان
لانه ماكن يخطر في باله انه يبيع نخله علشان يضمن ان عياله يلقون شي وراوه اذا مات
ولكن هم الدين يطارده ومنغص عليه حياته
وصل للبيت جلس مع ام عبد الله يستشيره علمه بفكرة اب عثمان
قالت ام عبد الله بع النخل وسدد الدين اهم شي راحة بالك واذا بقي شي من المال بعد ماتسدد الديون اشتغل فيه والله يرزقنا والحمد لله عندنا بيتنا
قرر ابو عبد الله انه يبيع النخل ويسدد ديونه ويرتاح
عرض النخل للبيع جاك تاجر من التجار بالقريه شاف النخل اعجبنه قرر انه يشتري النخل بمبلغ طيب يسدد الدين ويبقى اكثر من نصه
تم الاتفاق وكانت مافيه محاكم والا صكوك والا شي
مجرد انك تقول بعت وتستلم عربون خلاص تمت البيعه
هذا الي صار مع ابو عبد الله
استلم العربون تقريبا ربع المبلغ وسلم النخل للمشتري
واول شي سواوه راح لكل الي يطلبونه وسددهم ورجع للبيت مرتاح البال
حس ان الحياة رجعت من جديد بعض الناس سبحان الله مايرتح يشوف احد يطلبه فلوس قسم بالله ان ابو عبد الله مثلي مارتاح احد يطلبن ريال واحد
نام هاكليله ابو عبد الله الذ نومه مافيها لا كوابيس والا حلوم
قام الصبح وتقهواء وطيران على التاجر يبي باقي المبغ متحمس علشان يبي يشتغل فيه يمكن الله يرزقه ويقدر يشري مزرعه من جديد
المهم التاجر قال لبو عبد الله مالك عندي شي
يافلان انت ماعطيتن الا عربون بس
قال له التاجر والله ماعندي لك فلوس (يعني جحده وناوي يماطل فيه)
ابو عبد الله ضاق صدره وماتوقع ان فيه ناس تفكر تسوي كذا
مايحب المشاكل ترك التاجروراح لبيته على اساس انه يرجع له ثانيه يحاول فيه
رجع من بكرا والتاجر ماتغير بعناده وقام يماطل بالمبلغ ويجيب اعذار زي وجهه
تعب ابو عبد الله من الترداد عليه وفوض امره لله
مرت السنين تعب ابو عبد الله وحس انه يبي ينتهي من هالدنيا جاب ولده الكبير وسلمه ظرف مختوم وقال لولده ابيك تعطيه فلان التاجر ولا تفتحه وانا ابوك خله هو الي يفتحه بيده
قال الولد سم يبه وانتقل الى الرفيق الاعلى
اخذ الولد الظرف وراح لم التاجر فلان وعرفه بنفسه انه ولد فلان وجايب له ظرف من ابوه
اخذ التاجر الظرف وفتحه ومالقاء فيه الا كلمتين
((اسرع تراي احتريك))
قال التاجر وين ابوك ؟؟
قال الولد: الوالد الله يرحمه مات اليوم الصبح
قال التاجر وهو يتنافظ يوم سمع طاري الموت ترا قروش الوالد جاهزات لحظه اجيبهن لك
قال الولد: الوالد موصين ماخذ منك شي
هذي سالفه قراتها وحبيت انقلها لكم
السالفه من التراث النجدي
بقلم:الدبي
من مجالس القصيم
بطل القصه ابو عبدالله
ابو عبد الله رجل على باب الله ماعنده من حطام هالدنيا الا كم نخلة سكري عايشن عليهن هو وعياله
يعني يقوم الصبح يطلع من بيته الشعبي الملاصق للمزرعه الي به النخل ويترزق الله ويرجع لبيته
ابو عبد الله احيانا تحده الظروف انه يتسلف من التجار علشان يشري مقاضي للبيت
المهم كثرت الديون على ابو عبد الله وهو رجال مايحب يصير عليه ديون وحساس ومايبي اذا مات مايلقون عياله عنده الا ديون لفلان وعلان
قامت الديون تلاحق ابو عبد الله وين ماراح
وخلته مايختلط بالناس من البيت للمسجد اول مايصلي يطلع على طول ومايسولف مع الجماعه ويمشي مطرق راسه للارض يفكر
استمر على هالحال كم يوم
ومرة من المرات وابو عبد الله يمشي سمع صوت من بعيد يناديه
ابو عبد الله ابو عبد الله وياقف ويلتفت للخلف ويشوف ابو عثمان رجل كان يسولف معه قبل يشيل هم الدين
رد عليه ابو عبد الله قال سم يا بو عثمان
ابو عثمان قال له وشفيك يابو عبد الله ضايقن صدرك ترا الدنيا ماتسوا
علمه انه شايل هم هالدين الي عليه للناس ومايدري وشلون يسدده
قال له ابو عثمان يابو عبد الله بع النخل الي عندك وسدد الدين وريح راسك
قال له جزاك الله خير على النصيحه وكمل طريقه ابو عبد الله وهو يفكر بكلام ابو عثمان
لانه ماكن يخطر في باله انه يبيع نخله علشان يضمن ان عياله يلقون شي وراوه اذا مات
ولكن هم الدين يطارده ومنغص عليه حياته
وصل للبيت جلس مع ام عبد الله يستشيره علمه بفكرة اب عثمان
قالت ام عبد الله بع النخل وسدد الدين اهم شي راحة بالك واذا بقي شي من المال بعد ماتسدد الديون اشتغل فيه والله يرزقنا والحمد لله عندنا بيتنا
قرر ابو عبد الله انه يبيع النخل ويسدد ديونه ويرتاح
عرض النخل للبيع جاك تاجر من التجار بالقريه شاف النخل اعجبنه قرر انه يشتري النخل بمبلغ طيب يسدد الدين ويبقى اكثر من نصه
تم الاتفاق وكانت مافيه محاكم والا صكوك والا شي
مجرد انك تقول بعت وتستلم عربون خلاص تمت البيعه
هذا الي صار مع ابو عبد الله
استلم العربون تقريبا ربع المبلغ وسلم النخل للمشتري
واول شي سواوه راح لكل الي يطلبونه وسددهم ورجع للبيت مرتاح البال
حس ان الحياة رجعت من جديد بعض الناس سبحان الله مايرتح يشوف احد يطلبه فلوس قسم بالله ان ابو عبد الله مثلي مارتاح احد يطلبن ريال واحد
نام هاكليله ابو عبد الله الذ نومه مافيها لا كوابيس والا حلوم
قام الصبح وتقهواء وطيران على التاجر يبي باقي المبغ متحمس علشان يبي يشتغل فيه يمكن الله يرزقه ويقدر يشري مزرعه من جديد
المهم التاجر قال لبو عبد الله مالك عندي شي
يافلان انت ماعطيتن الا عربون بس
قال له التاجر والله ماعندي لك فلوس (يعني جحده وناوي يماطل فيه)
ابو عبد الله ضاق صدره وماتوقع ان فيه ناس تفكر تسوي كذا
مايحب المشاكل ترك التاجروراح لبيته على اساس انه يرجع له ثانيه يحاول فيه
رجع من بكرا والتاجر ماتغير بعناده وقام يماطل بالمبلغ ويجيب اعذار زي وجهه
تعب ابو عبد الله من الترداد عليه وفوض امره لله
مرت السنين تعب ابو عبد الله وحس انه يبي ينتهي من هالدنيا جاب ولده الكبير وسلمه ظرف مختوم وقال لولده ابيك تعطيه فلان التاجر ولا تفتحه وانا ابوك خله هو الي يفتحه بيده
قال الولد سم يبه وانتقل الى الرفيق الاعلى
اخذ الولد الظرف وراح لم التاجر فلان وعرفه بنفسه انه ولد فلان وجايب له ظرف من ابوه
اخذ التاجر الظرف وفتحه ومالقاء فيه الا كلمتين
((اسرع تراي احتريك))
قال التاجر وين ابوك ؟؟
قال الولد: الوالد الله يرحمه مات اليوم الصبح
قال التاجر وهو يتنافظ يوم سمع طاري الموت ترا قروش الوالد جاهزات لحظه اجيبهن لك
قال الولد: الوالد موصين ماخذ منك شي
........................
التعليق:
مايستفاد من القصه 0
اعتقد ان الفوائد كثيره ولكن اهم فائده هي اذا يبي منك احد شي وانت تقدر تسدده سدده قبل يموت مو تجلس تماطل فيه وتقهره وانت قادر تسدد المبلغ بس حب الدنيا اعمى عيونك عن حقوق الناس
سدد مو تجلس تحتريه يموت وتسدد عياله
لاتنسى انه ماستلم حقه منك وحرمته من حق من حقوقه ويمكن تكون انت سبب في موته لان القهر والمغثه تقتل الانسان
و قصه ثانيه حدثت لمثل ابو عبد الله وهي بالملايين حيث قام احد الموظفين باحد المحاكم الشرعيه بسرقة ارض من رجال محييها وعايشن فيها طول عمره هو وعياله والاخ طلع فيها صك وسرقه منه وباعه بالملايين وبعد ماشبع من الدنيا وحس بالموت وصى عياله انهم يسددون لفلان قروش المرزعه حقته الي هو طلع فيها صك ولكن اكتشفو عياله ان الرجل ذاك ميت وموصي عياله انهم مياخذون منه ريال واحد لانه احرق قلبه بسرقته مزرعته وطرده من المحكمه واهانه لان ماعنده صك وهذا يقدر يطلع صك
يقولون الرواه انه ضاعف قيمة المزرعه عشرات الملايين ورفض الورثه تنفيذ لوصية الوالد لانه يبي ياخذه منه عند الي يغفر الذنوب جميعا الا حقوق العباد
لا تهاونون بحقوقو الناس ياناس
ياناس وشفيكم الدنيا اكبر همكم
والله انه ماتسوى جناح باعوضه
التعليق:
مايستفاد من القصه 0
اعتقد ان الفوائد كثيره ولكن اهم فائده هي اذا يبي منك احد شي وانت تقدر تسدده سدده قبل يموت مو تجلس تماطل فيه وتقهره وانت قادر تسدد المبلغ بس حب الدنيا اعمى عيونك عن حقوق الناس
سدد مو تجلس تحتريه يموت وتسدد عياله
لاتنسى انه ماستلم حقه منك وحرمته من حق من حقوقه ويمكن تكون انت سبب في موته لان القهر والمغثه تقتل الانسان
و قصه ثانيه حدثت لمثل ابو عبد الله وهي بالملايين حيث قام احد الموظفين باحد المحاكم الشرعيه بسرقة ارض من رجال محييها وعايشن فيها طول عمره هو وعياله والاخ طلع فيها صك وسرقه منه وباعه بالملايين وبعد ماشبع من الدنيا وحس بالموت وصى عياله انهم يسددون لفلان قروش المرزعه حقته الي هو طلع فيها صك ولكن اكتشفو عياله ان الرجل ذاك ميت وموصي عياله انهم مياخذون منه ريال واحد لانه احرق قلبه بسرقته مزرعته وطرده من المحكمه واهانه لان ماعنده صك وهذا يقدر يطلع صك
يقولون الرواه انه ضاعف قيمة المزرعه عشرات الملايين ورفض الورثه تنفيذ لوصية الوالد لانه يبي ياخذه منه عند الي يغفر الذنوب جميعا الا حقوق العباد
لا تهاونون بحقوقو الناس ياناس
ياناس وشفيكم الدنيا اكبر همكم
والله انه ماتسوى جناح باعوضه
انتهت القصه
