فعلا موقف لا يحسد عليه
ولكن لا يلام الرجال مزنوق
وانت زودتها معه شويه ياخي وقف في اي مكان
خل الرجال يرتاح

يعطيك العافية
اخي جليس القمر

اسعد الله اوقاتكم بكل خير ..

موقف امحق من موقف .. ايام مباراة المنتخب مع اليابان في طوكيو طبعا المباراه كانت في الصباح ,, يوم ربوع واخر حصتين ذيك الايام الله يسقيها في المدرسه حصتين فنيه ورا بعض ...

المهم الا والف سيف اشوف المباراه طبعا هذي يبغالها تفريكه من المدرسه لكن كيف الحل الباب الرسمي مقفول وبرا الحاس قلت ما فيه الا دريشة غرفة الفنيه ,, طبعا اثنين من الشباب قد نزلوا من الدريشه واخوكم في الله قال انا ثالثكم ...الربع نزلوا تحت وجاكم الاخ مسوي نفسه رشيق :D .. قلوا ماشالله ( متين ) والدريشه صغيره .. يوم وصلت نصها يا جماعة الخير نشبت لاانا اقدر اطلع ولا انزل هههههه

قالوا الربع اللي تحت يا جماعه ياللي فوق دفوا الرجال .. حاولوا الربع ما فيه فايده قال واحد من الشباب اللي تحت العلم خير انتوا ياللي فوق اسحبوه ونحن ندفه من عند ارجوله ...:D برضه ما فيه فايده ..هههههه مع السحب والشد دخل استاذ الفنيه قاموا الربع رجعوا علي الستاره وكان شيء ما صار ههههه الحين انا ناشب و الستاره كتمت عني الهوا :D خلوها على ربكم ... ما دريت الا واستاذ الماده جاي صوب الدريشه وفتح الستاره واول ما شافني رجع ورا وقال يووووه :D هههههههه طبعا الرجال تمالك نفسه ولا رد الا على ايده والى الان يا شباب مدري هو عطاني بكس والا كف والا لطشه المهم ما دريت بنفسي الا تحت والشباب لهم ربع ساعه فوق يسحبون ههههههه ....والله لايوريكم وش من خاتمه جايت لي على ايد المدير والوكيل :D .. رحت البيت نص عمر :


....وسلامتكم ....

هههههه
الله يعطيك العافية يالجابري
وتكبر وتاخذ غيرها
وهذا جزاء الطالب الذي يحاول الهروب من المدرسة

الأخ الفـاضـل / الـــزاهــر ..................... وفـقـه الله

تحيـة طيبـة وبعــد :

إليك هذه الكارثة :

قبل حوالي شهر تقريباً ، أنا متعود أوقف سيارتي في واحد من ثلاثة أماكن قريب من المحل ، وذات يوم كنت أسير أنا وواحد ونتكلم ، وأنا أقصد الذهاب لسيارتي ، وعن بعد رأيتها واتجهت نحوها وكان صاحبي برفقتي ويكلمني إلى أن وصلنا عند باب السيارة ، أنا واضع يدي على يد الباب ، ورغم أنني رأيت على طبلون السيارة بعض الأشياء التي لم أعهدها في سيارتي ، ولكن الصالون نفس الموديل ، ونفس اللون ، وكذلك التظليل ، وينما نحن نتكلم وإذا برجل من قرية قريبة منا ، وأعرفه ويعرفني وجهياً ، وإذا به يتجه نحوي ، فاستغربت ، وعندها تغيرت ملامح الرجل ، وقال لي : لوسمحت بلهجة شديدة ، فقلت له : أنت غلطان الله يهديك ، وفي هذه الأثناء تذكرت الأشياء التي على الطبلون ، فأعدت النظر إلى داخل السيارة ، وهنا كانت المفاجأة ، كان بداخل السيارة عائلة ، فأقسم بالله أنني وجدت من الحرج مالا يعلمه إلا الله ، فأعتذرت من الرجل ، وشرحت له الموقف ، وعندها اقتنع ، ولكنني بقيت أعيش الحرج من هول الموقف والله الموفق .

هههههه
الف شكر على المشاركة اخي السروي

فعلا موقف محرج لا تحسد عليه
بس لحسن حظك ان الرجال طلع معرف
والا كان مسك بحلقك