ويش هو مجدك خساره يوم تكتب له قصيـد
والتواريخ انكـرت لـه والفضايـح جابهـا


كيف توصف سيدك بوصاف خالقنا المجيـد
وين هاذا المجـد يومـك تمدحـه بسبابهـا


اتـرك امجـاد الكراسـي ماتفيـد ولاتزيـد
من مدحها ذاك يكـذب والشحاتـه صابهـا


مقصده فيها الشحاته بـس بسلوبـن جديـد
وان كتب حرفه خسـاره مـا كتبـه الابهـا


ماكتبت اجرح مشاعر او لي الراي السديـد
لاكن الغيـره بقلبـي وانفتـح لـي بابهـا


قلت اذكر في قصيدي عل هالذكـرى تفيـد
للحروف اللي تهـاوت فـي ظـلام كتابهـا


تذكرون ابشع هديه قدمت فـي يـوم عيـد
عايدونا الغـرب فيهـا وانجـرح منصابهـا


الهديـه راس قايـد بالعـرب مالـه نديـد
تشهد امجادن بناهـا يـوم غيـره عابهـا


رتبوها الغـرب قصـه واحبكوهـا للعنيـد
واغتنم بـوش بجيوشـه خيرهـا وترابهـا


باسم الارهاب ادعاها والعـذر فينـا زهيـد
ليـن حققهـا بخيالـه وبحياتـه طابـهـا


بعد هاذا ياخساره كيف تكتـب لـك قصيـد
والذيابـه حصرتنـا وانهـشـت بنيابـهـا


وانت في مجدن مزيف تنسب اوصاف المجيد
للعبيد اللـي الكراسـي شايـلات اشنابهـا


لاكن الايـام تثبـت والزمـن فينـا مديـد
ان مجـدك والخيانـه عـار فخـرك ذابهـا



وسلامتكم سفير الحجاز