ياهيه يااللي قلبها مفتوح للناس اجمعين=تحب ذا وتحب ذا كل الرجال احبابها
.=.
هذا وهي باقي بَـزَر ياكيف في تالي السنين=ماوفرت كل البشر اقرابها واغرابها
.=.
اثر الردى في قلبها حي ٍ وله عرق ٍ دفين=تلبس ثياب النكرة حتى تغش اقرابها
.=.
جوالها دايمْ وهو شغال في حالة رنين=وعالماسنجر لاتسل ياكثرهم اصحابها
.=.
بالله يابنت الردى بالله قولي وش تبين=هذا هَـوَس والا لعَـب فعلتك ويش اسبابها
.=.
الى متى وانتي على ذا الحال والفعل المشين=ايلين تأكلك الذياب وتجرحك بانيابها؟
.=.
الجوهرة تلقينها محفوظة ْ بحصن ٍ حصين=عن الطيور الجارحة وعن شبا مخلابها
.=.
والقطعة اللي طايحة تغري السروق وكل عين=خصوصْ في هذا الزمن ياكثرهم طـُـلابها
.=.
نصيحتي ياجاهلة ان كان ودك تسلمين=كل الدروب المايلة صكي صروف ابوابها !