كل يوم تصبحني المدام( برسالة حب ) مكتوبة على ورقة منزوعة الدسم قصدي منزوعة من دفتر ابو اربعين رسالة اطول من خط الجنوب واعبس من مزايين الابل ، والغرام ينطنط منها مثل نطنطة موتري في حفر شوارع جدة .. المدام الله يحفظها تسمي الرسالة (طلبات ) وانا اسميها غرام يومي أبدي .. نتقاشر انا وهي على التسمية طبعا نتقاشر من المقاشرة مو من قشر (الكهلة سعدى) مرة اقول انتي تجيدين كتابة الشعر المستلج في صيغة طلبات مستلجة لكنها تقول : مستلجة مستفزة في النهاية ( سمها شعر والا سمها نثرا سمها مثل ما ودك تسميها) المهم لا تسوي نفسك نسيت مثل كل مرة .. والا .. ... والا شو ؟ والا الله لا يهينك مر الظهرية على كانون الكباب البلدي .. أتمتم وانا مقهور طيب طيب بس ما تقدرين تفكينا من حليب النيدو لأنهم يقولون سعره الحين 76 ريال ( يا بلاااااااااااااااااش) .. حمرت عيونها وصاحت في ولدها جيب القلم الأحمر يا ااااااااااولد .. افا القلم الأحمر ؟!! خير وش دخله في النيدو ؟!! والا تبين تصححين الرسالة ؟!! ولا ترد خويتي بكلمة كأني اتكلم مع حرمة أميزيغية وخذ يابو عابد دائرة حمراء حول (النيدو والمكرونة ) يعني يا مرة وش السالفة ؟!! يعني الله لا يهينك لا ترجع للطلبات مرة ثانية وبلاش تضرب مشوارين احسن لك خذها من قاصرها .. طيب فهميني ليش دائرة حول النيدو والمكرونة وش معنى يعني ؟!!! ورعانك يبون مكرونة بالباشاميل ... باشاميل !!!! أنا باشان مو باشا ميل احتقنت وقالت يا زينك ساكت تلايط وفكك من النكت البايخة ترى ماني فاضية لك انت ووجهك باروح اجهز الملابس في الغسالة ولاتنسى صابون الداك الحجم العائلي والله الله في رز الشعلان لا تجيني بدونه .. ما ينفع الرز المصري ترينهم يمدحونه هالايام قلنا الشعلاااااااااااااااااااااااااااان وللمرة الاخيرة اقول لك بلا مهايط .. طيب الشعلان طار من 36 الى 60 .. طار والا وقع ما بياكله الا ورعانك وبعدين زعلان ازعل على الحكومة والليللللللللللللللللللللللللللللللللللللللللللل الموضوع تسيس من جد .. خلاص خلاص ما دام فيها تسييس للرز والنيدو ووصلت الشغلة للحكومة أجل ابشري بالرز ..طيب وش هو القرنبيط ؟ وش تبي تسوي هالحرمه ؟ وين بودي المقاضي وثلاجتنا ما تسع دجاجة مصابه بقحزوز الديكه ؟ توي امس جايب حملة ددسن مقاضي وين راحت ؟!!! اليوم الاربعاء اشوف اللستة مليانة طلبات !! يالله المغفرة لا يكون سمعتني وانا احلم واقول ابي اتزوج ؟؟!!! وفي بالها تفلسني وتمسح بأحلامي البلاط زي ما مسح التجار واليماني بنا البلاط والحكومة تتفرج والوزير اليماني يقول عندكم بدايل توي عرفت انه يقصد (التبن) ؟!! ما يكفي اللي فيني البنك والمقاول والورش وبقالة ابو حسين وشركة القصيم وباقي الديانة وكمان وايت أغبي (واغبي هذا صديقي اللي يزورني في الشهر 3 مرات ينزف البيارة ) وكل نزفة بـ 120 ريال الله يحلل نزفة البندقة مع نزفة وايت أغبي وكمان الله يعينني على اللي يصفون سرا عند البيت اخر الشهر تقول انهم في الصومال والا الغلابة اللي يصفون للتقديم في الضمان الاجتماعي كل يوم .. ولا يهونون باقي الطوابير عند قصر الوليد ..
وانا اناقز من سيد لسيد في وطني ( وطني الماركت اللي في التحلية ) (مو وطني وطني عشت للمجد )لا تفهموني غلط !!
وانا اناقز جتني رسالة عالجوال تقول مر على اقرب محل حلاويات وجيب معاك طرمبه وكنافة بالقشطة وطبق ابو 50 ريال معجنات مشكلة وطبق ابو 30 بتيفور وطبق ابو 30 بقلاوة .. اهاااااااااااااااااااااا الدعوى فيها بت بت وبق بق وكمان إن ولكن وحتى وكأن .. طيب يا حرمه خير خير .. رجعت بعدما محطت 750 ريال وصحت في الحوش انزلي يا حرمه انتي وورعانك شيلوا مخلفات رسالة الحب ما تكفي مخلفات زبالة جدة اللي تعطرنا كل يوم من مرمى عادل فقيه كثروا من الزبالة الله يكثر فيكم الصالح يا حرمه ...ابتسمت في وجهها من باب (الابتسامة في وجه اخيك صدقة) وقلت يا حرمة اليوم الأربعاء ودي اروح ارقد لاني ابي اسهر مع الدويحي وفارس قالت لو ما بيجون أهلي كان رحنا مشينا الورعان في الحوت.. قلت كذا يعني حنا ناقصين وانا اقول وش دخل البيتيفور والبقلاوة والمعجنات اثاري الشغلة فيها غلايم (غلايم على وزن هوانم ) قالت اهلي تستكثر عليهم ؟!!!! يا بخيل وش شفنا منك وش سويت لنا وش سووا بك اهلي انا كنت في بيت ابوي مبسوطة وماناقصني شي وش جابني لك يا فقران يا طفران يا منتف حتى اهلي وهم اهلي تحسدني لا يجوني ..... واللييييييييييييييييييييييييييييييييييييل يا حرمه امززززززززززح اهلك اهلي .. لا اهلك مو اهلي (اهلك الله البخيل ) اجل (اهلي الاتحاد واهلك الهلال بس خسارة نتفوا البلوي وقالوا قبلنا استقالته خخخخخخخخخخ متى اهلي ينتفون هالبلوى .. هاااااااااااااااااااه وش تقول ؟ يا حرمه مطرح ما يسري يمري وهوه اول مرة يجون اهلك !! اشيلهم بعيوني عادي اهم شي لا تزعلي يطق عرق ونروح في خرايطها ...........
تمتمت بيني وبين نفسي وقلت 750 ريال راحت نعوضها من هامش الزيادة في الراتب ...
بس تتوقعون 30% والا 40