السلام علبكم ورحمة الله تعالى وبركاته
احبتي أقدم لكم قصيده وجدتها للشاعر الكبير : فيصل الرياحي البقمي . وهي بعنوان ( ياغرامي))
أرجوا ان تنال إعجابكم .............


يا غرامي سافرت كل الحروف ..... اعذريني معترف يا مسلمله
اعترف بالبخل في حق الضيوف ..... غير قلبي وش تبين اقدمه
مرني من عطرك العابر طيوف ..... تنشر آيات الرضى والمرحمه
أنتي عن كل الخلايق فيك نوف ..... نادر جنسك عساني ماعدمه
حارني وصفك وطولت ااوقوف ..... فكرتي خرسا وشعري تمتمه
انتي ما يحتاج وصفك بالوصوف ..... أنتي ديوانِِ بدون امقدمه
من يشوفك في نقابك وش يشوف ..... شمس صبح بالسحاب ملثمه
لنتشر ليل الشعر فوق الكتوف ..... صاح مظلوم الهوى يا محكمه
في عيونك دار فكر الفيلسوف ..... كنه يقرا في عيونك ملحمه
كن بين اهدابها مصنع سيوف ..... تحتها كل القلوب محطمه
مالنا في عالم الحب معروف ..... نعتبر منك التواضع مكرمه
ماحدِِ في حالة العاشق يروف ..... والظروف تعاكسة ما تخدمه
ما بقى لهل الهوى قلبِِ عطوف ..... غير قانون العصور المظلمه
وينكم ياهل الهوى صفوا صفوف ..... شكلوا للعاشقين منظمه
الهواوي بين ظلم وبين خوف ..... صابرِِ عبر السنين المعتمه
كم سنه مرت وكم مرت ظروف ..... بين عصر آدم وعصر العولمه