عزيزي
يبدو لي بأن هذا حال كل الأماكن مع الأسف، فحيثما تكون او تذهب تجد الذي اشرت اليه000
الوضع يحتاج الى وقفه جبارة من البلديات والمحافظين وامراء المناطق00والا000

طبعا اثناء حديثي مع العامل المعفن هذا

يجي اصغر اولادي وينزل من السياره

ويقول في اذني : يبه يالله بسرعه ترانا حشرانين

اقول طيب ان شاء الله .

اركب السيارة هاربا من هذه الاماكن واتوجه الى الصحراء الخالية

اتوقف واقول للاولاد يالله يااولاد كل واحد ياخذ له علبة مناديل وقارورة

صحه ويطير الماء على اقل من مهله .

اما انا فأاوقف بجانب السياره انظر في الجهة المعاكسه واتأمل في امتداد

الصحراء والارض اللي نزع منها كل شيء اخضرا واطلع البكت واشب لي

سيجارة اشفطها على عجل . لانكم زي ماانتم عارفين انا مااقدر ادخن في

السياره لأن المدام المصون تهتبقني وتهزئني وتقول كتمتنا بالمرض هذا .


بعد ما استرحنا قرابة النصف ساعة في البر الذي يغلي من الحراره نكمل

الرحله وبعد ما استمرينا لمدة نصف ساعه صاح اصغر الابناء وقال يبه

جوعانين , ثم صاحوا الباقين ايه يابوي جوعانين نبي ناكل .

قلت طيب ابشروا بالخير لا تستعجلون , بندور على مطعم على الطريق

وشوي

الا

وهاذي

لوحه كبيره كأنك يوم تشوفها تحس انك في لاس فيقاس امريكا

مكتوب عليها مطعم عوايل

نتوقف عند المطعم واقول للاولاد خلوني اشوف فيه مكان خاص

للعوايل

ويقابلني البنقالي بفوطه عفا عليها الزمن كان يعتمرها على خاصرته

انا : صديق

ايش فيه اكل عندكم

فيه دزاز سوايه ودزاز موشوي (مشوي) فيه رز بخاري و رز برياني

قلت له طيب مكان عوايل قال فيه

هوزا (هذا) كوفيل(كفيلي) كلام ووحد(واحد) ساعه عسرين ريال

شوي والا ذيك الوزغة كأنها ضب تتمشى فوق راس البنقالي في المطعم


قلت للبنقالي :

خلاص انا مايبغى ياكل هنا في مطعم او الغرفه انا يبغى سفري .

ممكن اشوف الرز حقكم

البنقالي : ايس سوف

انا : ابغى اشوف الرز عشان يشوف صديق ( طبعا انا لن اشتري من اكلهم لو بلاش

الله يديم النعمه ) بس احب اشوف الصوره كامله .

قال البنقالي : ممنوع دخول مطعم كلام كوفيل .

قلت بس اشوف هذا اكل عشان يشتري صديق

المهم

دخلت بالغصب وبالقوه ومن فوق خشم البنقالي والا وذاك المنظر الكئيب للمطبخ

قذاره والطباخ عليه قميص ماقد غسله من سنتين وعليه فوطه يقشعر البدن من

وساختها والطباخ يتعرق فوق قدر الرز الذي حتى الحمير ماراح تأكل من رزهم هذا .


طالعت في الطباخ وهو كأنه غاضب من وجودي في المطبخ ( رأيتها في تعابير وجهه)

احب هذا الطباخ ان يرحب بي على طريقته الخاصة , فقام بفرك انفه باليد اليمنى ثم باليد

اليسرى وادخل اصبعه في انفه يريد اخراج شيء ما , ثم اتبعها بادخال اصبعه في اليد

الثانية في اذنه وفركها جيدا ( يمكن كانت اذن المسكين مسدوده )

نظرت فيهم وفي مطبخهم وخرجت مسرعا الى سيارتي بعد لعنت سنسفيل البنقالي

واللي خلاه يشتغل في مطعم .

يوم شافتني المدام زعلان قالت : وش فيه ,

قلت لهم : قولوا وش مافيه , تراني شفت كذا وكذا وكذا وكذا

ترا رز بخاري ودجاج مشوي مافيه

يالله على اقرب بقاله نأخذ منها المقسوم ونأكله , على الاقل اكل غير ملمس

ونشرب لنا عصير وسيفي بالغرض .

ركبت السياره وشوي والا الولد باعلى صوته يبه بقاله وقف

قلت ابشر

يالله وش تشربون وش تاكلون

دخلت البقاله .

................... تتبع