مــــآكــل شيـــــخ ذو فضالة يلبس عـبـاة=ومآكل من يلبس عباته بالعرب شيخ فضيل
ومآكل خل صالح بالأصدقاء يحمل صفات=ومــآكـــــل من يحمل صفات يصلح خليل
بالناس تلقى لك رجل يسوى حمايل كاملات=وتلقى حمايل كاملة ماتسوى بالجملة قليل
الخلق شتى....... بالشيم والمنزلة والمرتبات=أمثال لكـــــــن بالأمور السالفة ماهــــم مثيل
لولا اختلاف أحوالهم ما بانت أحوال الحياة=ولولا اختلاف عقولهم مابان بالدنيا هبيل
ولولا اختلاف أخلاقهم ماشفت في مكة قضاة=دما شفت في كثير اختلاف أخلاقهم شريهيل
ناس متفواته ..شكل وشكل... وأصل وذوات=أطباعهم أيضا بعد متفواته ذات الشكيل
واحـــد يساهر همته واحـــــد بلا همة يبات=واحــــــد تمله غايته واحــــد بلاغايه مليل
واحــــــد تكوده حاجته واحـــد يحوج الكايدات=واحــد غناته عزته واحـــــد بلا مغنى ذليل
واحــــــد تبيده نايبه واحـــــد يبيد النايبات=واحــد بديله من(كفا)واحــد(كفو)ماله بديل
واحــــــد ذهب في معدنه واحــــد عدن مآبه غناة=واحـــد وقح واسمه حسن واحــــد على اسمه دليل
لله في خلقه شؤون ومقتضى لكــــــن سوات=اللي يميزهم فقط ...مايتركونه من حصيل
أسوأهــــــم اللي لاهــجيته بالأمور السيئات=ماكنـّك إلامن بخل ......ما شتمته تمدح نبيل
وأفضلهم اللي لا مدحته بالأمور الفاضلات=كنـّك هجيته... من بخل ما تمدحه بأمر فضيل
لا خير باللي ما يشوف الفضل بالناس الكفاة=لاخير باللي مايرد الفضل لأصحاب الجميل
عشت القليل وشفت في كثر العمل عين النجاة=اللي يعيش أكثر يشوف الموت بعيون العطيل
مابه عمل أقسى من الأضراب عن كسب الغناة=ومافيه مثل العجز عند المقتدر يعمل بطيل
يمكن يطيق الشخص مالا يحتمل لجل الحياة=لكن حياة بلا عمل حمل على الفاضي ثقيل
أشغلت نفسك بالرجا والمرتقـى لأمنيات=اللي يريد المرتقـى لا ينتظر جمبه يميل
إما حياة في علو.........وإلا علو بالممات=والابلاش.... من الأماني والمعالي والعويل
النفس حاجة والفتى يحتاج له أربع صفات=العزم..والإصرار..والإقبال..والصبر الجميل
لا معجزة أسهل أبد من احتقار المعجزات=ولا مستحيل أصعب من اصطعاب المستحيل
ماكلف الله نفس الاوسعها ....قدر وثبات=شلون تترك حاجتك والأمر في نفسك جليل
مامن سبيل إلاوراه أهداف....ومراد....ومناه=ومامن مراد ...إلا إليه بكـــل حــالاته ســـبــيــل



القصيده لشــاعـــر= صالح الحمــود