هـوٌن عليك الزعل دنياك ما تسوى ....... وش فيك دايم كذا تحرق في أعصابك

إن كان عينك على نار الزعل تقوى .......خايف شرارة عيونك تحرق أهدابك

وان كان قلبك تحمل صدمة البلوى ....... آخاف من فور دمك يحرق أحبابك

طبعك كذا من عرفتك، تكثر الشكوى ....... هون عليك الزعل لاتخسر أصحابك

خذها نصيحه ترى ماللزعل جدوى ....... وافتح لباب الرضا والبسمــــه أبوابك

ياليت تسدل على وجه الزعل سلوى ....... عشان طلعة جبين الصبح تحلا بك

ودي عيوني من أطياف الشفق تروى ....... ودي الكرز يرتوي من جدول أنيابك

يعني على قولة أهل أبقيق(وش دعوى) ....... يكفي ظروفك ويكفي كثرة اغيابك

روح الحياة، الرضا والبـــــر والتقــــوى ....... وجٌه عليها زعل وجهك ومحرابك

واطلبك، والا آقل لك خلها رجــــــوى ....... أرجوك لاينجرح قلبي من أسبابك

إن كان ما في حياتك صبر لا تهوى ....... حرام تبقى كذا تحرق في أعصابك
وسلامتــــــــــــكم