Tweet
يامدعي بالود ماعندك اثبات= ودي حقيقي وانت ودك خيالي
الود عندي حس ماهوب حسبات=اما انت ودك مصلحه واكتيالي
ودك رياء ماتحسب ايام غبات= فوق القبور اشوف فيك اختيالي
تلهث ورى الدنيا وترضى المسبات = ماتدري ان العمر عدة ليالي
تاكل ربا والرشوه تمشي وحبات = وانا حشا لو مات قبلي عيالي
دربي ممهد وانت دربك مطبات= اجيك صادق واثرك انت احتيالي
تعطي البشر رشفه ولك سبع شربات=قارون لو شافك لجاه اعتيالي
ولعّت فوق القصر للناس لمبات = وامعنت في حبك لجمع الريالي
مالك مواقف عقب موتك بصبات = يتربسون القبر فوقك هيالي
دام ان هذا دأبنا بالمغبات = خوفي يجينا مثل ماجاء ديالي
تعليق