قرأت في جريدة المدينه ليوم الجمعه الموافق 8/5/1428هـ نص شعري رائع للشاعر عبدالله غرم الله
وكان بعنوان ( نبض القلب ) ومما زاد في سروري أن وجدت دراسه للنص من قبل الاستاذ بن باشان
في هذا المنتدى

آهلين يالوجه الصبوح اللي مـلا كـل الجهـات
واستبشرت في طلته روحـي وعافـت ضيقهـا
يانبض قلب (ن) يعشقك ياجامع (ن) كل الصفات
يا الحظة اللي طول عمـري انتظـر تحقيقهـا
يا فرحتي يا منيتي يا اجمل تباشيـر وسمـات
يادرة (ن) كل الحـلا مصبـوب فـي تنسيقهـا
تعال عيش بخافقـي عوضنـي أيـام الشتـات
وارسم ملامح فرحتـك وأقـدم علـى توثيقهـا
تعال نقضي وقتنـا نشـوه وتحقيـق أمنيـات
وكل المساعـي اللـي تـودي للفـراق نعيقهـا
نكتب مشاعر نبضنا اثنين فـي هـذي الحيـاة
روح المحبـه بينهـم يطـرب نغـم تشويقهـا
ونعانق أطياف الهوى على طريقة خـذ وهـات
نسقي غصون أشواقنـا ونزيـد فـي توريقهـا
يا زين نفحات الغلا ساعة تجي من طيـب ذات
ويا زين لمسات الغـرام العـذب فـي تطبيقهـا
بين اليدين الحالمـه بيـن القلـوب المرهفـات
اللي جسـور الحـب نظرتهـا علـى تعتيقهـا
ياصاحبي كلـي انـا فـدا العيـون الناعسـات
اللي ليا من شفتنـي تحـرص علـى تسويقهـا
من وين ما ارحل بالنظر القاك في كل الجهـات
يعنـي بدونـك دنيتـي ماطيقهـا ماطيقـهـا