ياقلب بين انهار تجري بماها وانت ضامي = حرمتني ياقلب رشفه وطول العمر ضميان
مارضى عليك الضيم ياقلب جعلك ماتضامي = كنك شدا ياقلب واهل الردى من تحت ضبيان
ياقلب ماطاوعتني ! والهوى جيشه نضامي = دك القلاع الي حصينه ! وخذ توقيع الاعيان
واليوم ماسمع غير رزمك وللشوق ارتضامي= تصْفِق بجنحانك ويرقص دمك في كل شريان
تنبض بسرعه بعد ماكان دفعك بانتضامي = البعض قد يلمس جروحك وبعض الخلق عُميان
رماك سهم ارموش ابوخصرقاتله انهضامي= نسمات روحه عطر كادي نشا في ظل ضهيان
من نبع في ذي عين سقّوه واغصانه خضامي= حوله جنود مشددين الحراسه كل الاحيان
مجار من راعي الحسد عل عينه بالكضامي = الي حسدني غيض قلبه بنار الحقد مليان
محتاج وصلك شوف عشقك برى حتى عضامي = واصبحت بين الناس يافاتني داله وضنيان
مجنون حبك ياهوى فانت من هذا اللضى مي = ما لي بغيرك لو لبس في يدْه خاتم سليمان