-------------------------------------------------

الموقع شقة العيال
الوقت قبل بداية المباراة بساعتين

--------------------------------------------


ابطال القصة (انا)و(فرناندو) <<<واحد من العيال

سألت الشباب احد بيخاويني الملعب اليوم مباراة (الديربي)قمة العاصمة

سليطين: انا اتابع (مريا مرسيدس) والحين وقتها ولاني مفوتها.
روبرتو: انا جبت فلم رعب اسمه (وحش الحوطه) بطولة صامويل جاكسون وناوي اسهر عليه اليوم.
فؤاد: انا مواعد خويتي في الشانزليزيه وعازمتني على حبه بخاري مع الرز بمناسبة عيدالحب .

مابقى غير صويلح قلتله تعال معي على حسابي درجه ثانيه ورى البيبان انا وياك والشاهي والفصفص وكل شي على حسابي انت بس تعال.
صويلح: ياليت اقدر اجي لكن اليوم انا مرتبط عندي موعد مع جمعية الرفق بالحيوان بمناسبة فرعهم الجديدللرفق بالقطاوة، سألته وين الفرع هذا علشان ازورهم مستقبلا قالي في الحله ثاني مدخل بعد سوق المراويس .
قلت يصير خير انا ماعندي غير فرناندو هو اللي كفو ورجال سنايدي حق طلعات وحق بر وحق مباريات يعني تحطه على يمناك ويوم امر عليه واطق له بوري ويطلع من الدريشه ويقولي انتظرني دقيقه اطق الجنز واعدل الشخصية وانزل اجي معك.

مشينا بسيارتي متجهين للاستاد ويوم قربنا من الاستاد ونشوف العالم والجمهور والزحمه، ومافيه الامصاقطات وتشطيف وانا الي اسوق وفرناندو ماسك علم سدوس وطالع مع القزاز ويشجع

شوي وتسقط علي سيارة كوريلا جديده لونها وردي ومركب عليها اناتن بيض وملزق عليها لزقات قلوب وخرابيط، يوم اضرب بعيني في صاحب الكوريلا الا وهي السنيوريتا كارولينا بنت العم مناحي جارنا في الحاره، ومعها خويتها وحده سبيكه مطلعه كشتها مع القزاز ورافعه علم ريال مدريد وتزاعق وتشجع

وطول الطريق وحنا وياهم مجاكره وسباق ومصاقطات وهم يحذفونا بالمناديل وبقواطي ايسكريم روبنز وعلب الميرندا فراوله، وحنا نرد عليهم باستهزاء وسخريه واذا بغينا نهجدهم قام فرناندو الخبل وهو لابس شورت يطلع كراعينه مع دريشة السيارة هم يخقون وتظيع علومهم وتحمر خدودهم
ويضربون الجارده وينحاشون وحنا نضحك

المهم وصلنا الاستاد وعالم وزحمة ، قلت ابي اشتري علم اشجع فيه، طحت في حوطيه تبيع اعلام برشلونه والهلال اثاريها المسكينه صارلها موسمين جالسه محد اشترى منها.

دبرتلي علم ودخلت الملعب واشوفلك المدرجات مليانه والمباراة راح تبدأ وحنا ماجلسنا ، قلت ياولد مالك الا تكلم خويك ، قلت لفرناندو انا بكلم صديقي الي يلعب في ريال مدريد اسمه(راوول)هو يمكن ينزلنا نجلس مع الفريق جمب مقاعد الاحتياط ولا حتى نلحق كور اهم شي لاتفوتنا المباراة.
بالفعل كلمت خويي راوولوالرجال ماقصر وبعد الواسطات وحب الخشوم والملعنة وافق مدير الفريق (السير) عليوي يخلينا نجلس معهم.
المهم انتهت المباراة بفوز سدوس 4/صفر نتيجه قويه اثرت فينا واجد خصوصاً ان الحارس سجل تلفريك=(هاتريك).

طلعنا من الملعب وكلنا حزن
واضرب بعيني مرة ثانيه الاوبنت الجيران تناقز من الفرحه بالفوز انا قزيتها من بعيد وارفع الزبيريه واحذفها وتصك الزبيرية مع دمجتها


ويوم رجعنا واحنا بالطريق قالي فرناندو انت مواعدني انك تعشيني قلتله ولايهم شنبك ولو انه مشطوف بس ابشر العشى علي ورحنا للمطعم
ونجلس على اطلق طاوله (فايف ستارز)ويجينا القرسون ويقدم لنا المنيو
انا يوم شفت القرسون وهندامه لقيته هندي ولابس فوطه كاروهات قلت والله البلشه المطعم هذا شكله غالي (فري اكسبنسف)

المهم طلبنا صحن ستيك واثنين نفر كافيار وسلطة كراث خضرا واثنين عصير حلبه، تعشينا وعينا من الله خيرو ورجعنا ، نزلت فرناندو بيتهم في الدخل المحدود، ورجعت شقة العيال كملنا السهرة كيرم وبلوت كالعادة حتى يأذن الفجر ، بعدها كل واحد على بيتهم والوعد بكره.



-------------------------------------------------------

جتني ايميل

--------------------------------------------------------