السلام عليكم ورحمة الله ...

الساعه الآن السابعه بتوقيت الشرقية ...

مريت بموقف الصبح قمة في الألم والخوف والحيرة ..

رن التلفون الساعه 6.15 صباحا ( غريبه من يتصل هالوقت ؟ )

وعيالي توهم طلعوا للمدارس !! الله يستر ما فيهم شي

لو كان الجوال ما خفت كثير لكن تلفووووون !! ما يرن العصر كيف الصبح بدريييييييي؟

الله يستر عليهم وعلى المسلمين ؟

بدت دقات قلبي تتزايد ، ووصلت للتلفون بصعوبه وخوف ..

وبالموت طلعت كلمة ( نعم ) كان حلقي ناشف من الروعه والخووووف .

وحده مصريه قالت : معليهش أحنا آسفين بنكلمك في وقت زي دا ..أنا بكلمك من المستشفى

أنا سمعت ( مستشفى ) حسيت بدواااااااااااااار ماعاد أشوف الله يرحم الحال ، وبدت الخيالات والصور اللهم ياكافي اكفنا كل شر، ولا تبكينا على حبايبنا يارب .

صرت أكرر جمله وحده لها بدون شعور : وشفيييييييييييه وشفييييييييييه وشفيييييييييييه ؟ وأسمع صوت قلبي في أذاني طق طق طق

نطقت أخيرا : أصل الحجه فلانه ( اللي هي جدتنا من بعيد ) لها موعد الساعه 11 وهي جت دلوقت ، وسيارتها مشيت ، وعايزين حد يجي ياخدها ...( مستشفى أرامكو وهي تتغسل الكلى كل يومين ) .

أوووووووووووووه تنفست بصعوبه وسألت الممرضه : منين جبتي الرقم ؟ قالت : منها هي

تنفست الصعداء وقلت بصوت عالي : الله يسامحك الله يسامحك ......

بس خلاص قفلت معاي ....ياشين مثل هالمواقف والصوعات وبس ..الله يحفظنا والمسلمين وسلامتكم .
_____________________________________________

شكرا أخوي الرأس الصغير ( موضوعك جا بوقته من جد ) ..خلاني أنفس عن روعتي من الصبح وتأثيرها علي لغاية الآن ، ويمكن يبقى الثأثير أيام ..

المهم إني لما عرفت الزبده ...بديت أفكر في هالدنيا ومشاكلها وبلاويها الله لا يجعلها أكبر همنا ، والحمدلله على كل نعمه ....