Unconfigured Ad Widget

**رعــد الجنـــوب** · 19-05-2007, 10:02 PM

يقول دعبل الخزاعي في وصف ملوك بني العباس

ملوك بني العباس في الكتب سبعة *** ولم تأتنا في ثامن منهـم الكتـب
كذلك أهل الكهـف فـي الكهـف *** سبعـة وثامنهـم عندنـا كلـب
وأني لأجزي الكلب عن ذكره بكم *** لأن لكم ذنب وليس للكلب ذنـب

شكري وتقديري للجميع

**فلاح بن منشار** · 23-05-2007, 07:44 PM

شكرا يارعد على موضوعك الفكاهي

والله شديتني للمشاركه

استلم

الشاعر الي ماينقِّز مع الزير= ماهوب شاعر واتركه ذاك خراط
لو كان شاعر كان ماخالف السير=ولا خذ الكسوه وكب التشراط
الشاعر الصادق يغني مع الطير=واليا عزمته جاك من غير مقراط
والشاعر الصادق يبشرك بالخير=والي يجامل تعرفه بالتمغاط

ولي عوده انشاء الله

لاهنت

**رعــد الجنـــوب** · 24-05-2007, 05:44 PM

نويت أسخر هجوس الشعر وحروفه *** واكتب قصيده تفيد العالم العربي
ما هي بحلقه مسلسل في فضائية *** ولا جت على خاطر السدحان والقصبي
صوتي جهوري ويقدر يسحب الشرشف *** عن واحد كان متلحف على الكنبي
هذا أنا الواقف الماثل أمامكمو *** ما اضيق صدوركم في سد هالشنبي

شكري للجميع

**رعــد الجنـــوب** · 14-06-2007, 02:27 PM

كان ياما كان كانت ساحـة شعـبيـه *** المثقـف والغــشيم الّـكل يـركـض فيها
ناس موهـوبه تعاملها بكل عفـويه *** وناس مـوهومه تحب الشهـره وتغويها
شاعر في النشر يبغي صفحته ورديه *** وكل همه صورته وشلون يبدع فيها
وشـاعر هـمه متى تسـأل علـيه إبنيه *** بين هأالأسـواق معظم ليلته يقضيها
وشاعـر قصـيدتــه مـع إنهـا عـاديه *** تنّشـر في صفحـتين وبعـد ما تكفـيها
انفضح كل شي والساحه ماهي شعبيه *** وش يفيد النار ماتت لو نفخنا فيها

**الفلك** · 14-06-2007, 05:00 PM

شكرا لك ... بارك الله فيك ...
صراحه قصيد رئع ويحمال الكثير من المواقف الطريفه
وجزاك الله كل خير

**الصقر!** · 18-08-2007, 08:41 PM

قصايد رائعة
يعطيق العافية يارعد الجنوب

**رعــد الجنـــوب** · 22-08-2007, 10:07 PM

الفلك
الصقر

بودي أن أرى مشاركاتكم في هذه الصفحه

شكري لكما على المرور والتعليق

**رعــد الجنـــوب** · 14-02-2008, 11:45 AM

بعد إنقطاع عن هذه الصفحه لعدم مشاركة الأعضاء أعود

رحت الطبيب وقال لي ما بك إخلاف *** أنصحك غير جو خضره وميّه
يقول اصيـّف وين اصيـف يا خلاف *** هالصيف بين الرقـه والعارضيه
مـن اولً بجـنيف مشـتى ومصــياف *** والـيـوم مـثل عـزوبي السـالمـيه
الـديـن راكبني ...والاقـصـاد تـنلاف *** عـلى معـاشي.... لفـّـة لـولـبـيـة
ومن عقب موتر قيمته (عشرة الاف) *** الـيوم عندي موتر بـ (خمسميه)

شكري وتقديري لكل مشارك

**رعــد الجنـــوب** · 29-02-2008, 06:21 PM

هذه القصيده للشيبان فقط

عاشت ( بفايزر كومبني ) والدوا الزين *** ( فياجرا ) اللي ما ندم من يذوقه
ابـو حـبوب زرق تسـوى المـلايـين *** تنـثر دم الـرجـال يمـلا عـروقـه
أفـز نصف اللـيل والـساعـه اثـنين *** وأفـز قـبل الصبـح يـطلع شـروقه
وأصبغ بياض الشيب والعطر نوعين *** والثـوب الأول قمت أخيـّط فتوقه
وادوج وسط السـوق بين الـوراعين *** والموتر المكشوف عـوّدت أسوقه

شكري وتقديري للجميع

Unconfigured Ad Widget

دعواتكم لهم بالرحمة

قصــــائـد فكاهيـــه

تعليق

تعليق

تعليق

تعليق

تعليق

تعليق

تعليق

تعليق

تعليق