بسم الله الرحمن الرحيم

بمناسبة الموقع الجديد والشكل المميز لكم هذه المتواضعة ..


ديرتي ..
اليوم بعلن ..
عودتي .. لأروع عصور ..
يوم نتفجر محبة ..
يوم نتهادى زهور ..
ديرتي ..
لا لا يهمك ..
لو تهاجر هالطيور !!
أو بعد حتى الدبور !!
ديرتي ..
يا محجر وروبه ..
ويا رده وزبور ..
شاقني وقت الحماية
شاقني وقت البغور ...
شاقني ..
تصفير ريحك بين شباك وجدور ..
شاقني ..
حلم الطفولة ..
وراعني وقت ٍ حضور !!
شاقني ..
شيبه يماري .. مع تحلاّف ونذور ..
شاقني ..
وقت الشروق ..
وما على المله قدور ..
شاقني ..
عُتم الضريبه يقترب مني ويدور ..
ندفي في وسط جبّه ..
ونآكل الفتة فطور ..
آآآآآآآآه يا وقت السحور ...
وين أصوات الطيور ..
وين نغمات ٍ تجلت ..
بين ضحكات الصدور !!
آآآآآه في قلبي رسمتك ..
ديرتي
بدر البدور ..

***

ديرتي والناس تحلم ..
وآنا حلمي بك أدور ..
بين تينك بين شوكك ..
فوق سهلك والصدور* ..
ديرتي والشوق يرحل ..
بين أحزان وسرور ..
يسرق أحلام الطفولة ..
وينتهي بوسط القبور ..
ليت بيديني حلول ..
وأعلن الغيبة .. حضور !!
ليتني أقوى أشيلك ..
همّ وأتباهى غرور ..
ليتني أقدر أجي لك ..
ما بقى بالشمس نور ..
ليتني أقدر أشيلك ..
وأرتقي بك دور .. دور ..
ديرتي ..
ضاعت حلومي ..
بس لا يمكن .. تبور !!

***

ديرتي ..
يا برد .. يا قِرّه ..
ويا دخان كعمور ..
ديرتي ..
يا سوق .. به نهبط ..
وله بكره نغور ..
ديرتي ..
يا كادي وريحان ..
يا ريحة بخور ..
ديرتي ..
عزم ٍ هويته ..
لجل حلمي ما يخور ..
ديرتي ..
وآصيح .. وأصرخ ..
ضاعت بلاد ٍ ودور !!
ديرتي ..
خليني أرحل ..
وأحفظك وسط الشعور ...
ما لأحد غيري مكان
وما أحد غيرك يشور !!
ديرتي ...
أرجوك ردي !!
ضعت في كل الدهور ..
كثر ما جيتك موده
كثر ما عشتك حضور ..
آآآآآآآآه يا أروع ليالي ..
آآآآآآآه يا أزهى عصور ...


* من المعلوم أن جمع الصُدر هو أصادير ولكن حتى تتماشى مع القافية فعذرا .


وسلامتكم ؛؛