هذه القصيدة من معاناة شخصية


=
=
يا حسوفي على الاسـلام صـوره بـدأ يتهدمـا =
=
يا خسارتك يا كف(ن) تطاولت وابتهـدم جـداره =
=
كيف يُبنى قرون وبالمزاجـات تهـدم مـا بنـي =
=
المصيبـة معـاول هـدم جـدره مـع المتدينينـا =
=
ناس(ن) أشكالهم بهـرج ومـا كنّهـم متدينيـن =
=
يهدمونـه بداعـي العنصريـة لحزبيـة بغيضـة =
=
جعلوا الدعوة للأحزاب ما هم علـى نهـج النبـي =
=
وتسموا باسامي كلها على النقيض مـن المسمـى =
=
خالفـوا سنـة المختار..مختـارهـم منهاجـهـم =
=
وادعوا صحة المنهاج واللي يخالف مانحـوا لـه =
=
يجعلونه من أهل النار حكـم(ن) عنـه متوكليـن =
=
كل حزب معه قانون ويقول:أسـاس الديـن معنـا =
=
وطعن في سواه وبدّع الناس مـن شرقـا وشـام =
=
يتجهم ويعبس فـي وجـوه الدعـاة المصلحينـا =
=
بينما يبتسم من غير داعـي لوغـد(ن) رافضـي =
=
يتربـون جيل(ن)بعدجيل(ن)علـى حقـد وكرهـا =
=
تربية خاسرة يـا ويـل مـن يتربـى بارضهـا =
=
كانت العنصريـة كارثـة فـي زمـان الجاهليـة =
=
ألين جانـا النبـي المصطفـى واقتلـع ميزانهـا =
=
وأصبح الدين ميزان الفتى ما لنـا ميـزان فوقـه =
=
وعزلنـا دعــاوى الجاهلـيـة وتصنيفاتـهـا =
=
أما ذا العصر عاد العنصرية لهـا مذهـب وملـة =
=
أصبحت عنصرية حزب ملبوسهـا منهـج وديـن =
=
مير بارفع رسالة لأهل الأحزاب وأهل الغيرة منهم =
=
وأنصح إخوان من قلب(ن) تصلى بنـار التفرقـة =
=
خلك العدة للإسـلام واحفـظ حصونـه لا تهـدّم =
=
واجعل الهم فـي قلبـك لدينـك وخـل أحزابهـم =
=
انزع الكره واجعل صدرك أصفى من الماي الزلالي =
=
لا سروري ولا إخواني ولا مـن ثلـول الجاميـة =
=
لك نظامك وكل(ن) له نظامه وكل(ن) لـه طريقـة =
=
ما انتقص من فلان ولا جماعة ولا مـن داعيـة =
=
مادام إن العقيدة واحدة والهـدف للدعـوة واحـد =
=
خل كل(ن) على ثغرة وسد أنت من يمّـك ثغـور =
=
والختام أدعي المولى يجنب بـلادي كـل حاسـد =
=
ويجمـع شتـات قلوبـنـا ويصـفـي غيـرهـا =
=
=




الرد من الأخ نجمالجنوب



=
=

ياسفر ذاك جرحٌ سايلـه مـن مرارتـه الدمـاء =
جيش فارس يدير العلم في دارنـا والعلـج داره =
وانحن نستجدي الشيطان ونقـول ميـده مابنـا =
ناكل السحت ومن البنـك كـل العـرب متدينينـا =
كلنا خلف رايـس والخواجـه سـوى متدينيـن =
كل واحد ورى جمع الدراهـم ويتفاخـر بغيضـه=
نتبع الغرب والمعـروف صرنـا لدربـه جنبـي =
بعضنا ياكل الوجبه ويغسل يده مـن قبـل سمـى=
كلمة الحق منبوذه وبعض العـرب منهـا جهـم =
لو تقول الجهاد اليوم كلٌ يقل لـك مانـا حولـه =
ماصنعنـا ولا حاجـه سـوى للـردى متوكليـن =
ناتفاخر بتاريخٌ مضى والحياه مـن غيـر معنـى =
والمعـازف لهـا مابيننـا فـي روابينـا وشـام =
نصنع البان والا نعرف الدكتره والمصـل حينـا =
والعقول اصبحت من ذكر ربي ومن نوره فضـي =
نتبع الغرب لو عدوا مع الضـب عدينـا وكرهـا =
والعوايـد تركناهـا وقلنـا المكـارم برضـهـا =
كل واحد يقول ام الكراعين تعطـي الجـاه ليـه =
راعي المخطيه يختـال ويقـول علمـي زانهـا =
فوق بترول والعالـم توقـع بعـد مـده نفوقـه =
والعرب ماصحت من فعـل رايـس وتصنيفاتهـا =
صارت الروح من هذا الغثاء بين خلـق الله ملـه =
التفرق سمه والغـرب ضـد العـرب متوحديـن =
نقتنع بالمذله فـي حمانـا وفيـه الغيـر منهـم =
من علوم العرب ياصاح راسـي مشيـب مفرقـه =
ينبض الجرح في قلبي ويسري على ويلاته الـدم =
وين جيش العرب يوم ان كسرى بكى واحزى بهم =
خيم الذل والعالم تحالـى علـى الديـن الزلالـي =
كل ماراح ميه من علـوج الخواجـه جـا ميـه =
والله ان الاسى ياصاحبي فوق راسي له طريقـه =
كل ماقلت قـام المعتصـم قـال فكـري داعيـه =
راحوا اهل العراق وصاروا اليوم من تحت اللواحد =
ونحن نضحك ونتمايل ونختار بسمـات الثغـور =
هذي الحال مفجوره ولا ضنتي عنـا لهـا سـد =
والفتـن كـل يـوم اتـزود الناعيـه تبغيرهـا=
=
=