من جديد مع محمد الشاعر


انا اقدر اعيش ويا الذيب واوالفه

واسري معه في الليالي المظلمه لاسرى

وا وافقه في علومه وارجع اخالفه

وان شيت اقدمه والا ارجعه للورى

لكن همي ثقيل وزادت العاطفه

واللي جرالي لغيرى ما لبشر ما جرى

مسكت روس الحبال وكنها تالفه

وطحت ما اعلى الثريا والتقاني الثرى

شكيت والروح من جور الزمن خايفه

بكيت لكن هم القلب لا مابرا

والبعض يضحك ولا يدري وش السالفه

والبعض يدري وكنه جاهل مادرى

ما كل مالاح برق تتبعه عاصفه

ولا كل من غمضت عينه يذوق الكرى






وشكرا

شاعر ابن شاعر من زمان وانا اتمنى ان اقرا لمحمد (( الشويعر)) قصايد نبطيه

امانه لا تحرمنا من قصائده

شكراً لك أخي الكريم

والحقيقة أن هذا البيت ينكتب بماء الذهب


والبعض يضحك ولا يدري وش السالفه ... والبعض يدري وكنه جاهل مادرى

الحبيب شاعر غير متوج
الاستاذ الفاضل عبدالله رمزي

شكري وتقديري لكم حفظكم الله من كل مكروه

دمتم بخير

من جديد مع الشاعر محمد الشاعر

سكة سفر


كيف ترجع والمسافر وصل نص الطريق

ما بقي له مثل ماراح من سكة سفــــر

من سـكر لابد من بعد سـكـراته يـفـيـق

والنصيب يصيب لو قـلـتـلـي وين المفر

البحر قد هـاج لكن يـمـنـعـه الـمـضـيـق

والسفينه تتوخى على مــوجــه حـــذر

خابرك يا صاح لو قلتلي خبرك عـتـيـق

هالـسـنه مـرت ولا فيه عــلــم ولا خـبـر

بعض الاشياء منك يانور عيني ما تليق

كم صبرنا لجل عينك ولا فـاد الـصـبـر

يوم ولعت الحطب يوم طفيت الحريق

ويوم ثالث خايف ما يدفيك الجـمـر

الحياة اشكال واللوان تلميع اوبريق

لو ضحكت ايام لابد ما تبكي دهــر

ما ظلمك ولا اظلم الناس حتى لاتضيق

انت مثل الناس لو كانت لي اغلى بشر

يا قساة الوقت ما عاد به عهد وثيق

فالسنين اللي ابتجي واللي اقفت مالعمر

لو تعلمت السباحه في البحر العميق

كان جبت اللول والماس من قاع البحر

ربنا ما حمل ارواحنا مالا تـطـيـــق

لاتهل الدمع ولا تردد يا قـــهــــــــــر

رح فمان الله وارجوك واصل بالطريق

المسافه عمر واعمارنا سكة سـفــر


















وشكرا

الله عليك يابو جمعان

حضورك في القلب وان كنت الغائب

تحياتي

تحياتي ابو ثامر

دمت بخير

يامسفر ...... حبه....حبه

خف علينا
خفف السرعه ...زين

اشكرك اخي الحبيب الاعصار

من جديد مع الشاعر محمد الشاعر

العبه الخرساء


تضيق الارض من حولي وحس بخاطري ضائق

واشوف ان الزمن ماهو الزمان اللي ابي اعيشه

تغير كل شي وكل فرحه دونــهـا عـــائــــــــــــــق

خساره ماقدرت ارسمك وانا في يدي الريشه

اشيل الهم في نفسي واجيك وخاطري رائــــــق

واخبي خلف صدري حزن عسكر بالحشا جيشه

بعد ما كانت الدنيا لنا بستان وحــــدائـــــــــــق

مسح وجه الزمن قلب رسمه ومل تـنـقـيـشــه

زمن غدار ساعة جمع المبيوق بالــبـائـــــــق

عجز هذا الزمان يرد طــفـل سار في طيشه

على مثلك طبيعي يا وليفي كل شي لائـــــــــق

وانا عدت على مثلي ومل القلب تـطـفـيـشـه

تجرعت الهموم او ذقت دنـيـا مالها ذائــــــق

يفيق الحظ لي لحظه ويوقف عند تـهـمـيـشـه

وتنساق المواجع بالحشاء لومالها سائــق

ويبلش خاطري في وقتي اللي زاد تلبيشه

ويمضي الوقت بعد الوقت من ساعات ودقائق

وافتش خافقي عن بسماتك واعيد تفتيشه

الاول قد تحول ليه تتحراه يا فـــــــائــــق

طعنته وانتظر ياصاحبي مـوتـه وتـنـعـيـشـه

عرفت العبه الخرساء ولو مابه لها طائق

يغش الوقت ناس احيان ماتحتاج تغشيشه

تفرج في الوجوه اوميز المشتاق والشائق

وناظر في عيون الناس حزن طال تنويشه

نبي ننسى وحنى تونا نزعل ونتضائـــــــق

نبي مثل البشر نفرح نحس الفرح ونعيشه

يطوقني الحزن والهم له في داخلي طائق

ويهداء عالمي لحظه ولحظه عاد تدويشه

حقائق خلها بيني وبينك صدق وحـقائــق

واغني لك وانا قلبي من الفرق كما الريشه

ولامن شفت هذا الجيل عود خاطري ضائق

واقول ان الزمن ماهو الزمان اللي ابي اعيشه

الأخ العزيز/ مسفر الشاعر

الله يعطيك العافيه على نقل قصايد محمد الى منتدى الديره

وصح لسانه على هذا الإبداع لك أخي الكريم فائق تحياتي.

الاخ العزيز نديم الشوق

اسعدني مرورك بارك الله فيك يابو محمد

لك كل الحب والتقدير

دمت بخير