ياطير ياللي رايح يم جده
هات الخبر ياطير وشحال حمدان
وشحال ابو مجحود شحصن نوده
قالو عنه ياطير موجع ومرخان
ياطير لاتبطي ترى حنا بشدة
بشر بخير ولاتبشر بالأحزان
مرخان ابو مجحود من شاف ولده
حزن عليه وحار مالحزن تعبان
ياذا المرض ملعون ملعون جدة
ياتي بغدر وينتقي دون حسبان
يحرم علي ذااليوم شوف المخدة
من يوم جاني العلم من رقم جمعان
هذا القدر ياخوي محدن يصده
والله يشفي كل من كان وجعان
ماكل من يمرض مرضه بيهده
ياكم مريض انبرى حاله وزان
ياخوي لاتحزن على الي توده
بإذن الله المعبود يرجع كما كان
يالله عساه بخير ربي يرده
سالم لبيته بين ربعه والأخوان
والله كريم هو رحومن بعبده
يشفي العليل وكل من كان مرضان
ياطير لاتنسى اذا جيت جدة
بشرلنا بالخير عن حال حمدان

(ابو مجحود يشكر كاتب هذه القصيده الأخ ساري محمد الزهراني بعد شفائه ويتمنى له حيات سعيده)