اشي واحد من جهتنا مغزولن يقولون انه كان ماشي كماه قدام طويل ذراع و ونعم كل الناس يمدحونه

اهوه ذا حين شيبة يقولون: انه يوم كان شباب كان جلا بن يبيع ويشتري في الهوش ( البقر) يجيبه من اليمن - ماهب من اليمن شكلة يجيبها من محايل ماهلا أهل الديرة - ويبيعه في المخواة

معلومة: اللي يمر من عند سواقي التكاسي في موقف الباحة يقولن له أصحاب السيارات مكوه مكوه يعني مشوار للمخواة- انتبهوا ؟؟!!

وفي سوق الخميس وسوق الثلاثاء و و و....الخ

في سنة يقولون افلح يشتري والله واشترى له مجموعة من الأبقار وجاك معودن وهوه معودن – راجع – مر على صاحبن له في شمران بات عنده ذيك الليلة
وأصبحت قال له صاحبه: اسمع انته ابتغرب عليك وانته في الوادي الفلاني لا تغدي تبات فيه اهوه فيه جنن - جن ضد انس – قال تم استعنا بالله وافلح يسير ويتردد البقر جوف ذيك الشموس وذيك الغبرة يا لله شفاعتك !!

صاحبه ما كذب أغربت عليه يوم وصل وسط الوادي اللي قاله له صاحبه وهوه تعبان من السير ولا عد يشوف ولا قطرة

قال : والله لأبات جوف ذا الوادي باسمي بالرحمن ولا عندي ولا خلاف وذاك ماهب صحيحن ( عاطبن )

جمّع البقر وحوزة وغدا تحت سدرة سمى بالرحمن وتوسد ورقد

ووسط الليل جايت جمالن – مفرد جمل - جوف الوادي والبقر أول مرة يشوف الجمال

وخرع البقر – خرع يعني خاف – وشرد كله وجايت الجمال وبركت محل البقر ورقدت
والرجال راقدن ماحس بشي من التعب

أصبحت وفتح الرجال عيونه و قال الحمد لله أنا بخير ما صابني شي قعد يتحسس وهوه منسدحن إلا ما عنده ولا خلاف

قام و افلح عند محل البقر ويامح إلا ما معك علم و تحول البقر إلى جمال وهوه تشادق وشرد من غير الطريق

واهوه إلى ذاحين مغزولن – لكن الناس في الديرة يقولون انه مسحورن –

وأنا حللت هذا التحليل لأني قد مريت

على ذاك الطريق – المخواة محايل- وشفت فيه جملن