زمان تحول


يا صاحبي ما دمت ناوي تحول

انس الذي قد صار بينك وبيني

ان كنت في هذا تفكر من اول

تقدر تسافر منت ملزوم فيني

رح يا عسى غيبتك عني تطول

ما ودي بطاريك حتى يجيني

با جدد أفراحي وأغني وأمول

واجعلك من ماضي بقايا سنيني

لا تحسب اني يمكن اصرخ واهول

استخسر اني ابكيك بدموع عيني

اللي سلى عني وفكره تجول

لا يمكن ان اجعل يديه بيديني

طبعي كذا ما حب طبع التسول

حتى ولو مالي صديق معيني

ماني الذي من غير قوله تقول

ولاني الذي عالخير تقصر يميني

والصاحب اللي قد زمانه تحول

ما عاد يربط شي بينه وبيني عبدالله الطفيلي




جريدة الجزيرة لجمعة 19 شوال 1427 هـ 10 نوفمبر 2006 م العدد 12461