جااااااااااي

الرأس الصغير : الله ياحبك للجرجره جبت لنا الدوخه انت وموضوعك بس تصدق اني بعدما نزلت وقريت النكته اللي كتبتها في الأخير عجبتني

الأخت حصة جاسم : صراحة ابويه وصاني وقال إذا تبغى تخوف الحرمه وتسمع كلامك هددها بالفلوس وانا نفذت وصية الوالد ، بس لاتصدقين اتغشمر بس والا الصراحة مجرد مرورك يشرفنا .


والله اني على حمدان الدايخ بس مدري وين داخ قصدي مدري وين راح له كم لا حـــس ولا خبر

موقف طريف حكاه لي أحد الزملاء : يقول تعطلت علي السيارة في الصباح وعندنا في العمل مدير مايسمح بالتأخير يقول اتصلت عليه وقلت له يابو فلان عندي ظرف صعب ويمكن أتأخر ساعة ، قال : وش عندك ؟ يقول زميلنا الصراحة خفت أقول : السيارة عطلانه لأني لو قلتها بيقول : أركب ليموزين وتعال والا بيقول بأرسل لك واحد من الزملاء يجيبك . المهم زميلنا يقول تلخبطت وتلعثمت في الكلام وقلت : ياطويل العمر أنا ماني في جده (كذبه بيضاء) أنا في مكة وتعطلت علي السيارة . قال المدير: سلامات خلاص خذ لك ساعتين . يقول زميلنا قفلت الخط وانا أقول وش هالأخلاق اللي نزلت على مديرنا اليوم شكل الحرمه راضيه عليه اليوم(حشه بالعرض والطول) ونزلت عند السيارة وقلت خليني أجرب يمكن تشتغل معاي ، قال دقيت سلف واشتغلت السيارة قلت في نفسي خليني اخذ لي هالساعتين وألفلف لي شويه وأمر كوفي شوب ، قال زميلنا طلعت من الشارع حق البيت إلى الشارع العام ووقفت عند الإشارة الا واحد أزعجني من وراي بالبوري طالعت في المراية .................. طلع المدير ........ عرفني:sm42:

سبحان الله العظيم !

في الوقت الذي تجد بعض الأعضاء - وهم قلة - والحمد لله ، لا يضيف إلى المنتدى إلا اعتراض هناوانتقاد هناك ، تجد البعض من أمثال صدى الجنوب لا يكتبون إلا مايسر ويبهج ، إضافة هنا وتعليق هناك ، إبداع في الشعبي وتألق في النبطي ومرورا كريما على العام ، لا يعكر الصفو ولا يتعدى الحد ." وكل مكان ينبت العز طيب ".

هذا الموضوع هو من أجمل المواضيع التي طرحت في المنتدى وأنسبها ، فهذا هو فعلا ما نحتاجه في مثل هذه الظروف .

صدى الجنوب أنت فعلا صدى للجنوب وللجهات الأربع في هذه الوطن الغالي ، أضحك الله سنك وأدخل السرور على قلبك ، وأكثر من أمثالك آمين .

ولا يفوتني أن أشكر كل من شارك في هذا الموضوع من الأعضاء الكرام .

قروي رايح يعالج في أمريكا، سأله الطبيب عن الكوي اللي في بطنه: وات إز ذس ؟ ... قال
القروي: ذس إز ... تش ... أح

.

يابن مرضي : شهادتك اعتز بها وكلامك اللي كتبته وسام أفتخر فيه والصراحة انا من الناس اللي إذا أحد مدحني تشرب الريشه وانتفخ وأشوف ان مافوق راسي رأس :sm69: لكن إن شاء الله أكون عند حسن ظن الجميع .ولو وزنت مشاركاتي كلها في المنتدى ماتسوى موضوع من مواضيعك يابن مرضي لكن برضه بأصدق نفسي مادام الشهادة جات من ابن مرضي لك كل الشكر والتقدير .

يحيى عطيه : ماادري ليش يايحيى يوم أشوف أي مشاركة لك لازم أدخل وأقراها باين عليك إن مغناطيسك قوي ، وعلى طاري الانجليزي اللي وقف لي حجر عثرة من أيام المتوسطة وصرت أكره حاجه اسمها انجليزي وتنتابني الغيره والحسد إذا شفت واحد عربي يتكلم إنجليزي ،وحاولت أتعلم وأخذت دورات خاصة وكورسات تقوية في الجامعة ولكن مافيه أمل ، استشرت أصحاب الخبره قالوا ماتتعلم الانجليزي الا بالمخاطبة والممارسة في البيت وفي الشارع وفي العمل وانت عارف لو غيرت لهجة الزهارين في البيت والا في محيط مجتمعك قالواماباقي الا اسمك تغيره وتخليه نزار والا هيثم ) كيف عاد لو تكلمت انجليزي ؟؟؟؟؟؟
اللي قاهرني إن شيبه عندنا من الجماعة أمي لايقرأ ولايكتب ولو تسمعه وهو يتكلم انجليزي تقول هذا الآدمي ماانقطع سره الا في لندن ، سألته مره وين تعلمت الانجليزي ياشيبة عرعر ؟ قال: أي آم اسبيك انقلش فروم دايز وورك إن ارامكو كامب . قلت له : اوووووو يس ... نو ...... أوكي ...... ثانكيو (خله يختار اللي يعجبه منها لأن ماعندي الا هذي الأربع كلمات ):sm277:

وخذ هذي النكته لواحد زي حكايتي مايعرف عنقليزي قابل واحد خواجه (حلوه خواجه ) قال له الخواجه : وت إيز يور نييييييم ؟ قال له أخونا : على العموم أنا ماادري وش تقول لكن إحتياطا.....كل تراب :sm290:

السلام عليكم .....
نكته في تمام الساعه العاشرة وخمسة واربعون دقيقه وثلاثون ثانيه..تقول النكته :-
واحد محشش صدم عسكري المرور بالسياره ومات العسكري واتصل على 999 وقال : انتوا صرتوا 998

أخوي الراس الصغير:

ساعتك متأخرة وعندي إحساس انها (صليب) من الساعات القديمة اللي باقي تعبيها عند أذان المغرب كل يوم. لكن وش ترجي من محشش مأجر الطابق الثاني .

على ذكر الساعات والتوقيت طبعا زمان كان يالله تلاقي واحد عنده ساعة والجماعة كلهم يسألونه عن الوقت وكل ما لقاه واحد في طريقه سأله .. كم الساعة ؟
في يوم لقاه شيبه وقال له : كم الساعة ؟ طبعا الرجال شايف نفسه ومين قده معاه ساعة ، طالع في ساعته وقال : الساعة عشره وعشره ___ طبعا الشيبه مايعرف التوقيت بس يشوف الناس يسألونه قال باسوي زيهم ___ قال له الشيبه : أهاااه يعني عشرين :sm64: براءة قحمان ههههههههه

صدى الجنوب الغالي

رائع في كل مكان في الشعبيات والنبطي والعام

فلك منا كل التقدير والاحترام.

وعلى طاري المحششين خذوا هذه النكتة:

محشش اتصل على بيت وردوا عليه أهل البيت

قال: هذا بيت فلان؟؟ قالوا: لا

قال: أجل ليش تردون؟؟؟!!!! :sm52:

وهذي نكتة على البخلاء قاتلهم الله:

بخيل مات وجدوا في جيبه وصية مكتوب فيها

متسبِّح لا تغسلوني!!!:sm50:

وعلى طاري الموت:

واحد راح يعزي عند ناس ووجدهم يتغدون

فبدل ما يقول احسن الله عزاكم قال أحسن الله غداكم:sm64:

نورت يالدويهي

قلت لابن مرضي انا إذا احد مدحني انتفخ :sm69:وتشرب الريشه يادويهي مدحك لي افتخر فيه وهذا من بعض ماعندك والله اني لفرحت بجيتك هنا ومشاركتك فلك كل الشكر والتقدير ،
ياخي المحششين عليهم طلعات شوف بالله المحشش اللي قال : طيب ليش تردون ؟:sm42: هههههههههههههه

باعطيك نكته عن البخلاء: يقول لك فيه واحد بخيل اشترى آله حاسبه وشال منها الصفر
وواحد بخيل ثاني دخل على أولاده الثلاثه وهم مشغلين المروحه على رقم (خمسه) قال لهم : عساكم البلا ليش تشغلون المروحه على خمسة وانتم ثلاثه

اما على طاري الغلطات في المواقف فخذ هذي النكته حصلت في زواج : أذن المغرب وقالوا لواحد من الجماعة قم صل بنا طبعا تعرف الموقف شويه صعب والضيوف أجناب (من قريه ثانيه) المهم قام الإمام وطالع جهة اليمين وشاف أولاد الجماعة يصيحون قال لهم : أستووا هداكم الله ، وطالع جهة اليسار وشاف أولاد الضيوف يصيحون قال لهم : استووا ......... حياكم الله :sm277: هههههههه

ماشاء الله عليكم تنكيت وضحك وألغاز وانا آخر من يعلم ؟ طيب اوريكم الشغل:


يقول لك فيه واحد محشش معزوم في زواج جماعي ( عشرة عرسان متزوجين في ليلة واحدة ) المهم يوم شافهم كلهم

لابسين البشوت قال : انا لله ...كل هاذولا متزوجينها..... الله يعين العروسة.


وانتظروني لاحقا لأني مستعجل اليوم بغدي ارقد.

حياك الله ياعطيه السادس عشر التهامي

نوم العوافي ياعطية والله يحييك اعجبتني مشاركتك وأكثر ما جاز لي منها صورة (عطية السابع عشر) الله يحفظه . وتوقيعك اللي تدور فيه على مشاركاتك يالتهامي ، عندي لك حل تقدر تضيف مشاركاتك وترجع باسم التهامي الأول ان كان انك ضيعت كلمة المرور ولايهمك أعرف لك واحد يعرف واحد من جماعة المشرف العام يكلم لك المشرف عشان يرسل لك كلمة المرور حقت (التهامي) على ايميلك ويضيف لك المشاركات القديمة على الإسم الجديد ...... وش رايك أكلمه لك ....... إذا انك موافق بأرسل لك رقم الحساب وحول لي 5000 خمسة آلاف وأبشرهههههههه(نصاب)

وعشان إنك زرتنا هنا بنضيفك لكن أعذرنا ماعندنا الا نضحكك وأبشر:

يقول لك فيه محشش اتصل على الدوريات وقال لهم ألحقوا تكفون سيارتي مسروق منها الدركسون والمسجل والطبلون ......... يوم وصلت الدوريه عنده لقيوه راكب ورى :sm44:

آآآآه ياغبنيه

ضحكتني ياصدى الجنوب رغم اني زعلان على ضياع اسمي ( التهامي ) المشكلة انك تبغى تنصب عليه ( تطلب رشوة ) آسف قصدي هدية علشان ترجعلي اشتراكي القديم ها عاد تصدق ان اشتراك (التهامي) كان رقم العضوية أقل من ميتين ماأتذكر بس المهم اني كنت من قدامى المحاربين قصدي المشتركين لكن وش اسوي أنا سياب ضيعت قروشي في الأسهم وضيعتها في المساهمات اللي على بالك وأخيرا مابقي الا اشتراكاتي في الإنترنت وضيعتها ....

المهم راس المشكلة ان البريد اللي كنت مسجل به باسم التهامي ضاع والا كانت المسألة سهلة بدون رشاوي ....

إخيرا وليس آخرا ( صارت خطبة ) إذا أقنعت عبدالرحمن ( المشرف العام ) انه يرجعلي هويتي اللي سحبها باهبلك هدية ماتتوقعها هيا شغل واسطاتك وابشر باللي يرضيك :sm43:


آها بغيت تنسيني النكتة

يقول لك فيه واحد محشش فتح محل أواني منزلية خلا أول يوم في الإفتتاح بلاش ( يبغى يقلد أصحاب المطاعم )

بسم الله الرحمن الرحيم

( صدّة غير):

كوري ثري زوج لولده وحب يقوّم قدره،ويكايد جماعته، فذبح عشرين كلب سلق(سواكني) وعشرين كلب (نعيمي) وثلاثة كعوّة برّكها كما نبرك القعّدان على الصحون ، وذبح خنزير برّي للمرقة فقط، وكان في خاطره يحط جميع أنواع الفواكه ولكن منعته الشدّة التي بينهم والتي وقعها العريفة ،وصادق عليها شيخ القبيلة (بن هوشان صن شو) والتي تمنع جميع أنواع الفاكهة ,وحتى الملكة تقتصر على بيبسي ورقائق البطاطس، توافدوا جميع أفراد القبيلة صغير وكبير واجتمعوا في مكان واحد ،طبعا ماعندهم مدخل للرجال وآخر للعوائل ،رجالهم وحريمهم واحد كلهم رجاجيل ماتستطيع تفرق بينهم (زي الغنم) لبسهم واحد وعرضتهم واحدة ،والقارعة ممكن تكون بين كوري ،وكورية، وحتى الزير ممكن اللي ينقع كهلة ، المهم في الموضوع ان حتى الكوريين يحبون( الفشار ) ويكايدون بعضهم البعض زي ماعندنا،ويختلفون عنا ان ماعندهم خبز مقنّى ،عندهم شابورة مع المرقة ويشربونها بالمصاصات ، ولايرمون الباقي من الوليمة ،كل واحد يحتصي معه بحق شربة فاضي يملأه ويروح به معه البيت ،و الجلود يفصلون منها ملابس داخلية وحتى رأس الحمار ممكن يسوونه مسجل استريو,وراس الكلب ممكن تحصله بعد كم يوم كميرا فيديو،وراس الخنزير ممكن يحولونه ريسيفر ببطاقات.....المهم مع السلامة، الظاهر اني بديت أخرّف ،أعذروني كتبت الموضوع وانا تخابط بي الحمّى.[/grade]

ههههههههههه
يعطيك العافيه ابو زهير
يقول لك فيه
بدوي مايعرف يغازل ولا يرقم
قال له خويه البنات يبغي لهن سياسه
طلع الشارع شاف وحده قال لها ,,, اموووووت في كوفي انان

السلام عليكم جميعاً.
وكل عام وانتم بخير

واللي ابيحج الله يسهل له امره.
واللي ابيعيد مع اهله الله يسعده.
واللي ما يعيد مع اهله الله يعينه.
واللي ما يدفى من البرد ولا يشرب حليب بالزنجبيل ما عنده سالفه.

وهذي نكته مع البرد القارص..ياالله يكفينا وش ذا البرد.... (احّووووه اففففف )
يقولك فيه اثنين محششين ركبوا باص وناموا في الباص ..وعندما وصلوا مشوارهم قال صاحب الباص قوموا وصلنا
..ودفعوا له ريالات من عهد الملك فيصل الله يرحمه.
قال راعي الباص هذي عمله قديمه

قال واحد من المحششين يا الهي كم لبثنا.