قصيدة أعجبـــــــــــــــــتني وأحببت وانقلها لكم


لك مشـب السحـاب ودنـقـنّ المراقـيـب=يرعد قهـر ويغنـي الديـم مسحـوب
والليل قطَعهْ السهر مـن عـوى الذيـب=سرّا جروحه من عوى له على الصوب
ترحيـب بالطيّـب وللطيِـب ترحيـب=عطرٍ سكبني فـي حنايـاي مسكـوب
صب المبـادىء بالضلـوع المحاديـب=وكتبت في دمي على كـل مكتـوب
لو مـا تجـاوزت العذاريـب بالطيِـب=هالطيٍب كله يطـرده عنـك عـذروب
ياما سرا بيّ صـوت راع المواجيـب=وبيرق هلا بين الحجاجيـن منصـوب
وياما قريت عيون بعـض المعازيـب=يصيح فيهن عِرض الاسبال مسلـوب
للمـد يمنـى مـا تشـح المطالـيـب=للشـح يسـرى مدهـا حفنـة ذنـوب
والعيـب طبـع وللتطبُـع كـذا عيـب=نفـسٍ تمـد ونفـس مليانـه عيـوب
ما كل فارس ما يهاب الوغى هيِـب=للخيل راكب واطيَب الخيـل مركـوب
تـرى النوايـا ماتبـي منـك تهذيـب=تقـول فنجـان الردييـن مشـروب
اللـي شقاهـم بالتزيّـن عـن الشيـب=واللي يموت من القهر لا اندنس ثوب
والله لو طيب الرجاجيـل بـه عيـب=لقيت خصلة حاتـم الطـي عـذروب