Tweet
ما ادري هو حلم والا علم لكن حصل = الذي ما بيوم ٍ كان يخطر ببالي
زارني طيف مدري كيف مدري أمل = جدد الشوق فيني حسبي الله عليه
أسكرتني السوالف سال لفظه عسل = من حروفه تهجيت الجمال الخيالي
قال عقلي تريث قلت مالك دخل = دام قلبي خفق له يحتمل ما يجيه
يكفي انه سرقني من حصار الملل = ويكفي إني تخيلته كريم ومثالي
كم سريت الليالي كل خطوه وجل = والتحفت الظلام أسرار من شان أجيه
وامتطيت البراري ما التفت لي زحل = لين نوخت في داره شموخ الجبالي
خلني ارتاح تكفى قال تدري أجل = بس بالله لاجيته تسلم عليه
تعليق