بسم الله الرحمن الرحيم



يالله يالى فى يديه الامر يفعـل مـا يريـد == يا مليك الملك يا الفرد الصمـد ربـآ ودود

يا ملاذ الخايفين ويا رجاء القلـب الوحيـد == هازم الاحزاب وحده اخذ الخصـم العنـود

اخذ قادر مقتد ر للمعتـدى بطشـه شديـد == بين كاف وبين نون وصار للعالـم وجـود

مانصول ولانجـول الا بفضلـك يامجيـد == يالله انا نجعلك فـى نحـر قـوات اليهـود

اليهود الغاصبين ارض العرب ظلمآ وكيـد == مالهم فلقدس الاقصى لاخـوال ولاجـدود

هولنا واحنا هله هو قدسنـا المجـد التليـد == مانسينـا مانسينـا قدسنـا محنـا رقـود

ماينام اليـل مغبونـآ قهـر ذهنـه شريـد == لين يرجع كل حق لطالبـه حسـب البنـود

يارجال الحق ياقـوه عظيمـه ماتحيـد == ياحمى الدوله وياعينـن تراقـب للحـدود

ليمتا وحنا نردد كـان عمـر وكـان زيـد == كان عمر وكان زيد وصرت انا وانتم شهود

والله ان الواجب انا نبـذل الجهـد الجهيـد == التعلم والتدرب يكسـب الجنـدى جهـود

محكم التنزيل واضـح للقريـب و للبعيـد == ياعباد الله اعـدوا مستطعتـم مـن جهـود

ترهبون الخصم وامر الله يبطل كـل كيـد == مملكتنا حولهـا طامـع وحسـاد وحقـود

الله يحفظ مملكتنا حكمهـا الديـن الرشيـد == والامانه فى يدى راعى الامانه بن سعـود

كلنا سمعآ وطاعـه كلنـا الرجـل الشهيـد == لادعاء فينا ملكنا بن سعـود احنـا جنـود

هيا نبنى المجد والماضى نعيده مـن جديـد == بتعاون والتكاتـف يحكـم الغابـه اسـود

الجهود مكثفه واصل التعـاون شـى اكيـد == هو نجاح المجتمع والعود فى عين الحسـود

من بناء ماهـد يا الاصحاب ويدينـه تشيـد == بـارك الله برجـال وبـارك الله بلجهـود

التجـارب علمتنـا شيبـت راس الولـيـد == كلمة التوجيه تنفع فـى مجاميـع الوفـود

من يقول ان الكسل والاالتهاون جاب فيـد == لا ورب البيت ما يقطف زهور والا ورود

من زرع يحصد ومنتـوج الندامـه للبليـد == ومن مشى بدرب ياصل واليدين الها عضود

طاب مهجوسى وقولى فى نظامى والقصيد == من سنام العلم يا موفى المطالـب والعهـود

واختم ابيات القصيده والمثايل والنشيد == بالصلاة على محمد صاحب الحوض الورود