Tweet
يامن لعينٍ سهيره ماهتنت بالمنام = تسامر الهاجس اللي هيج اشجانها
من بعد ماودعت ربعٍ عزازٍ كرام = كن المدينة خلت من كل سكانها
العصر يوم الخميس الساعه اربع تمام = يوم امطرت غيمة الأحزان هتانها
مادت بي الأرض مدري وش حصل بالتمام = مير الوكاد ان شيٍ زلزل اركانها
في ركبهم من لها بالقلب عالي مقام = مايمحي رسمها لوطال هجرانها
ياطير بالله بلغها كثير السلام = وقلها الروح بعدك تنسج اكفانها
وقلها القلب عن كل الغنادير صام = من دونه أبواب والبيبان بيبانها
الخوف لو طال من دون الوصال المقام = وادفع ثمن نبض قلبٍ ذاق حرمانها
تعليق