من شروق الشمس الى وقت الغروبي
=ومن مغيب الشمس الين الصبح فاق
غنوا مع هيفا وفيديو كليب روبـي
=وانسوا الاقصـى وتدميـر العـراق
وش يصير ان مات ميه فالهبوبـي
=باقي اكثـر عدهـم عسـرٍ وشـاق
قالها الفنان انـا قومـي عروبـي
=وهزي يا فيفي هلا بـردفٍ وسـاق
ايه هذا حلمنـا مـا هـو كذوبـي
=مدرسـة دينـا تقـرب بالـوفـاق
مدرسه منهاجها ما اتـوب دوبـي
=ذي رسالة سامية رغـم المشـاق
ايه ذوبي ثـم ذوبـي ثـم ذوبـي
=يا أمتي بالصـدر واحـلام العنـاق
ذوبي بالاهـات والليـل الطروبـي
=مع شياطين الطرب وأهـل النفـاق
هيضي الشايب وشبـي بالعزوبـي
=وخلي المعـرس يمينـه بالطـلاق
لا حيينا إن ما غدت هيفـا تنوبـي
=عننـا فـي المؤتمـر و الاتفـاق
حرب ليه الحرب؟ مو وقت الحروبي
=اربـط الجنـدي وشـده بالوثـاق
أسلحة فيفـي تحطـم كـل لوبـي
=وجيش دينا لا انتفض حل الفـراق
فكنا هالحين .شفت كليـب روبـي
=يلعن أم الفله قمـة فـي الـرواق
واغنيـة (واوا) تطفـي هالهوبـي
=وش تبي ازعجتنـا بامـر العـراق