واحد زعلان :

أما انت قلبك نزله سوق الحراج = حرج عليه وغش به من يشتريه
والا أقل لك أجره موقف كـراج = خل أي واحد لانزنق يوقف عليه
دورزباين مامعك مني خــــراج = وش فايدة قلبك وهو مافيه فيــــه


دردشة :

آلو، سلام ، ان شاالله ألحين طيب= بشر، عساك ألحينه أحسن من أول
إذا تبي حاجة تراني قـــــــــرييب= أطلب وانا حاضر وآآآمر تـــــدلل
واذا بعد يومين ماصــــــرت طيب= بآمرض وباتنوم بجنبك ، وطـــول



غيرة :

أيييييوه ودي أعيش العمر باحضانك = وودي الموت ياخذني وانا اضمك
وودي آجي واولع بيت جــــــــيرانك= وودي اسمع خبرحادث ولد عمك
تصدق إني من الغيرة على شـــــانك= عشان ماتحضنك ودي تموت أمك



مقلب :

أحزري وش جبت لك يابعد حالي = أحزري وش جبت لك داخل العلبه
شي في عينك رخيصً وهو غالي = كل من حســـــــه بكفه دخــل قلبه


رسالة صادر :

تدري ليش الورد ورد وليش ريح العود عود؟= وليش نور الشمس يحرق والقمر نوره خفيف
وليش لون البحر أزرق والعيون السود سود = وليش فوق الغيم شمس وتحت نور الشمس طيف
لاتجــــــــــــــــاوبني،واذا تبغى لما قلته ردود= انتظر حتى يسيل البحـــــر في ترعــــــة ثقيف



همسة على الطاير:

(ألف) أول ا حروف الهجاء
(باء ) ثاني احروف الهجاء
(ح) هذي حـــاء ماهيب خاء
(ك)هذا آخرحرف بس ماهوب ياء
رتبيها ، شكليها ، أرسميها ،
أعرفيها ، أكتبيها، أحفظيها
المهم أنك عرفتي أربع أحرف
والأهم إلا الأهم من الأهم إنك قليها ..............


خـــــــــــــــوف:
إنتي معي وانا معــــــاك = وانا معك وانتي معاي
الخوف لو إنك معــــــاك = والا يكون اني معـــاي


دمتم دمتم أوفياء وإلى اللقاء