النوع:لاندكروزر

الموديل:83

اللون:احمر

المواصفات:فل مواصفات على راسه عقال اسود ابو كتله

مع الكثير من السكاكين والسواطير المخبوءة في جنباته

اليكم

..

..

..


راكب اللي مايخيّب مظنة راكبه
:::::::::::::::::::::::::::::::::::احمر(ن) لون البراكين لونه والقبس


لاجهم صبحا وتالي البشر متثاوبه
::::::::::::::::::::::::::::::::::::ماتشك به العصابات وعيون الدبس


كن شبكه والكفر فوق راسه ناشبه
:::::::::::::::::::::::::::::::::شبهه بعقال فرد(ن) من افراد الحرس


لامشى في الخط ماحد يجي ويلاعبه
::::::::::::::::::::::::::::::حشمته من حشمة اللي على المقعد جلس


خذ صفاته بعد عشرة عمر من صاحبه
:::::::::::::::::::::::::::::::::ماشكى من علة القلب او ضيق النفس


شايبه مافيه يصخى ويعشق شايبه
::::::::::::::::::::::::::::::::::::::له يرد العلم ويشمّته لامن عطس


صار مثله يحمد الله على اية نايبه
::::::::::::::::::::::::::::::::::::يستشيم وينفع الناس ويجود ويحس


سايقه شيخ يعرف القدا والنايبه
::::::::::::::::::::::::::في الضحى يقرا الضحى والمسا يقرا عبس


لادعس له داخل الحوش كنه ناحبه
::::::::::::::::::::::::::::::::حلقها يزعج بالاصوات والفم انخرس


يقطع الدرب الذي الناس به متكاربه
:::::::::::::::::::::::::::::::::::::كن يشتاله حصانين تسبقهم فرس


والله انه مايعرف الدروب العايبه
::::::::::::::::::::::::::::::راح يقضي وصل الارحام ماهو يختلس


كن شمعاته عيون اللقيمه راقبه
:::::::::::::::::::::::::::::::::للحجل والا معه ضيقة مـ اهل الدنس


وايضا الصدام ماكنه الا شاربه
::::::::::::::::::::::::::::::::::::كن تعبيرات وجهه تهم ان تفترس


لوتشوّش عين راعيه شمس الغاربه
:::::::::::::::::::::::::::::::::::قده متدرب وراعيه دّرّسه ودرس


لاانشغل راعيه في الخط يعرف واجبه
:::::::::::::::::::::::::::::وحده يهدي ووحده على السرعه كبس


من يحس ان الايادي غدت متناوبه
::::::::::::::::::::::::::::::في دركسونه مشى مشي رجال حنس


ماافطر البنزين والزيت ماهو شاربه
::::::::::::::::::::::::::::::::اعتقد مثل الاوادم على فول وعدس


باذن ربي له ييسر ويعطى ماربه
:::::::::::::::::::::::::::::::يوم تبدا حصة الموت ويدق الجرس


لو يساوم فيه سلطان والا نايبه
:::::::::::::::::::::::::::::::مانبيعه لو يباع النماص مع البلس


ودّني به يامودي حمول النادبه
::::::::::::::::::::::::::::::في ثرا تاطا به امي واحبه والتمس


عذر رجال(ن)قهر يكتمل في واجبه
::::::::::::::::::::::::::::::لابكى امه دمع عينه على خده يبس


انتي ام البر.. وان شا الله اني جايبه
:::::::::::::::::::::::::::بر ابي وامي والانسان يجني ماغرس