"]هذه القصيدة للشاعر مشعل سعد العمري بعنوان نظام العماله وضعت
النقاط على الحروف وتتحدث بلسان حال الشباب وتحكي معاناتهم
في مراجعات الأدار ا ت ا لحكوميه وقلت الوظائف بسبب وجود العمالة
الكبيره في البلاد أرجو أنتنال أعجاب الجميع[/CENTER]


ياقصيبي لو سمحـت وبأ ختصا ر= قول وش قدم نظـام السعود ه
عنـد مكتبكـم طــوابيـر أنتظــار= كل يـوم أعــدادها متـزايـد ه
لا تقـول أن المهـن تبغىأختبار= ويشترط خبره سنين أ محد د ه
ومن نجـح يبقى عليـه الأختيـار= والـو ظيفـه بعـد عامين أبيـده
البطـاله في تـزايـد وأنتشــــار= والمطـالـب والشــروط معقـده
حلهــا وا ضـح ولا يبقـى قــرار= أبعـدوا عنا العما لـة الوافده
وانابا حكي قصتي لك بأعتبار=الكـلام إللي برا سـي بسـرده
كنت قبـل العـام بائـع للخضـار=أشتري وأبيع دون ا لفـا يــد ه
المحـل مـتـريــن والإجــار نــار= والبضـاعـه كل يـوم فاسـده
الطماطم خاس وأعدم لي الخيار=والبصل والثـوم بيعه منكـده
والزبائن عنـد جـا ويـد أفتخـار= جاري الهندي تجيه وتقص ده
مـا بقي غـير المـرايا بالجدار= والمكيـف والخشـب والمنضـده
قلت افكرأشتغل تاكسي مطار= نحمــداللــه المهــن متعــدده
وأبتديت الشغل من بعد الفطار= وأنتهـيـت الليـل بعد الواحـد ه
منتحل شخصية الهندي كومار= الشنب محلوق والرأس أفرده
والسبب أني سعودي أبن الديار=حظي ماهوحظ هندي اسعده
ضـايقـونا من يميـن ومن يسـار= نعلبو شغل الشوارع ما حسده
الخصوصي يشتغل وضح النهار=لارقيـــب ولا مـــرور يطــارده
ولو أصادف حرمه تحذفني بحجار= كنني أبليس فوق المقعـد ه
وجمعت المال من بعد اللي صار= ويا حسافه يوم قمـت أعـدده
مــا يكفيني مصـاريف الصغـار= والـديون إللي بعقلـي شـارده
والفـواتـير والمعيشــه والإجار= والعقـل باقي القليـل و نفقـده
ويا قصيبي لو سمحت وبا ختصا ر =أبعدوا عنا العما له الوافد ه