أنا من علم الجن الشعر ما علموني هم = ولو هم علموني ليه أقول إني أنا شاعر
بهذا الوصف لوينزف بناني واكتبه بالدم = ولورددته بطرق وطريقه تسحرالساحر
ولو كل الشجر أقلام رسمه والمداد اليم = ولو أعذب حناجر لحنته بليلها الساهر
ولو حيرت به لب اللبيب وصار يتلعثم = ولا اسعفه البيان من البيان السابي الباهر
فلالي فضل في نضمه ولو كمه يفوق الكم = إذا الشاعر مجرد شكل خان الخافي الظاهر
أنا في عرفي الشعر اختزال الماضي الأقدم = بفكر انسان ما يخفاه فرق الأمس والحاضر
تشكله الصور مابين ود وصد فرح وهم = إذا ليل المعاناه احتواه أشعل أمل باكر
إذا ما اوحيت به روح المشاعر حي يتكلم = فحق الميت نترحم عليه برحمة الغافر
وهو بالمختصر ماهو مجرد قافيه تنظم = فلا نظلم مسمى الشعر.. بالطلسم أنا كافر
إذا ما اروى غليلي واعتذري لي أعذبه لاجم = طردته عني لغيري مكدر منكسر خاطر
أنا سيده وهو عبدي وقبل اشر يقلي سم = أروض شارده ينقاد لي ماهمني حاضر
واسجل اعترافي إني بلحظه غلبني الهم = من ديون ثقال احمال حال الحول بي حاير
وبعت الهم بعد الهم من همي لمن لاهم = وسلم واستلم علقم ونعم الشاري الشاطر
وقال احذر أحد يعلم وقلت ابشر طلبك وتم = يمين الله قال اصبر وخل يمينك العابر
تكفر بكره عن حلفك ولا ينفعني اتندم = ابي منك وعد رجال لامنه صدر صادر
وقلت الحر مايدخلك كم ويخرجك من كم = على عهدي وميثاقي ولا اغدر لو تكن غادر
وخذ راحتك جاك العلم من يمي استريح ونم = ولاني ناسي افضالك لمداتك أنا شاكر
ترزز في الأماسي وانسني غرد ولا تهتم = وصح لسانك النايم هتف جمهورك الشاعر