السلام عليكم و رحمة الله و بركاته أخواني أعضاء منتدى الديرة هذه قصيدة الشاعر محمد بن حوقان المالكي التي رد بها على الشاعر ياسر التويجري و التي وجدتها في أحد المواقع الشعبيه و هي منقوله عن (( بن حوقان ))
و الآن أترككم مع الموضوع كما كتبه الشاعر محمد بن حوقان

قصيدة الشاعر ياسر التويجري والتي تهجم فيها
على عضو مجلس الشورى آل زلفة عندما طالب بقيادة المراءة للسيارة والحقيقة لم يكن ردي عليه دفاعا عن آل زلفة بل دفاعا عن كلمة الحق. التويجري قال كلمة حق اراد بها باطل فهو دافع عن مبدا كلنا نراه ولكنه ادخل العنصرية والانتماء في ذلك ثم كان له لقاء في قناة ابو ضبي مع نجاح المساعيد وتجاوز على اهل الجنوب وشعراء الجنوب عندما نفى عنهم الشعر وحصر ذلك على نجد والشمال كما قال
اختلافي مع الشاعر ياسر التويجري في قضية وليس له علاقة بخلافات شخصية


قــصــيــدة ياسر الـتـويــجــري
افتح القـرآن يالله او حديـث السنـه
واعطني اقـوى دليـل يفنـد العلمانـي
كانه مكفر فعطني مقضـب المنسنـه
والله الوالي لجبـع عاتـق النصرانـي
وان غدا عاصي فرحبي للذي وش كنه
عين نبع من صفاها تروي العطشانـي
شيخي اللي منته منـه ولا أيـة منـه
ضلع قلبي بيض وجهي جدي الروحاني
عزكم يا العوده اللي تكسرون الشنـه
وعزنا بالديـن حنـا شيخنـا سلمانـي
الخوارج حوطونا مثـل سـور العنـه
عذرهم رايين لازم واحـد مـع ثانـي
وآخر الاراء شفتـه واحتقرتـه لانـه
الدليل اللـي يؤكـد نزغـة الشيطانـي
ودهـم ان العـذارا يركبـن الـدنـه
ويتمشـن بالشـوارع كـان بالامكانـي
علموا راع المعارض كان يبغى الجنه
لا يبيع الا الرجـال وعلـم الحمرانـي
والله ان البنت والله لـو تسـوق بفنـه
ان تصيـر بمملكتنـا ثـورة الشبانـي
وان تشن الحرب شنه ما وراها شنـه
وان يصير الزيت واللي يطلبن مجانـي
لا تقيس الدار هاذي مع ربـوع فينـه
ولا تقـارن هالشبـاب بواحـد لبنانـي
أبـك ذولا مجرميـن وعالـم منجنـه
عشقهم لحم الجمال وطبخـة الضبانـي
الهلالي مثل شكلي لـو يجـن ينخنـه
في عطـال القيـر والا قفلـة البيبانـي
في طريق مظلم مـا للموبايـل رنـه
مقطعه ما فيه حولـه مرمـرة سكانـي
وش يسوي يا جماعه ؟!.. الله اعلم انه
يفتح المصحف ويقرا سورة الرحمانـي!
علم الزلفـه يوقـف لا نخيـب ظنـه
فالقصيد اللـي بحـده خنجـر عدنانـي
ايه شاعر والدلاله كسـرة فـي سنـه
لأنعمى ينطح بوجهه نطحـة العميانـي
الله اكبر يا قرى مكه ويا اهل السنـه
عرضكم اصبح نقاش لواحـد علمانـي




الــرد مــن بــن حـوقـان المالـكـي
ياسر اسكت واقضب ارضك جعل ابوك الجنة
القصايـد فـن ماهـي هرطقـة ورعـانـي
والتسلـق عالكبـار اكبـر دمـار لانــه
يفـقـد الـرجـال مصداقـيـة الشجعـانـي
هالقضيـة مـن زمـان وحبلهـا يلـونـه
مـا سمعنـا منـك راي ينـور الحيـرانـي
عنصريتـك البغيضـة واضحـة ومصنـة
كلمتـك مضمونهـا يغنـي عـن العنـوانـي
اولا كفـرت مسلـم كــل ذنـبـه انــه
جــا يـقـدم راي لازود ولا نقـصـانـي
ذنبـه انـه مالجنـوب وكلمـتـه منسـنـة
يـوم يسمعهـا الغشيـم يقـول ذا يعنـانـي
رح ودور غيرهـا مالـك بـهـذي حـنـه
منت لاعبهـا علـى فرعـون يـا هامانـي
السعودييـن اصـل وفصـل تـدري عنـه
فيهـم النخـوة وفعـل الطيـب والسمحانـي
قـال عنـا مجرميـن الله يخيـب ضـنـه
والله انـا احفـاد ابوبكـر وعلـي وعثمانـي
والسعـودي ينقتـل دون الشـرف لكـنـه
مـا يخـون الامنيـن ويفـجـع الجيـرانـي
والذي مجنـون جبنـا مـن يـداوي جنـه
والمهبـل بـي نواجهـهـم بعـلـم ثـانـي
وانـت مثلـك لا يمثلنـا ولا لــه مـنـه
ما يفـرق بيـن نصـراوي مـن النصرانـي
مملكتنـا شامخـة بالعـز يـابـن هـنـه
ليتك تعض شحمة يافـلان يـا ابـن فلانـي
رح لـدراك قبلمـا مـوج البحـر ياطنـه
تدري انـه فـي مهـب الريـح والخسرانـي
دارنا فـي ضـل شيـخ يـوم ياقـف كنـه
مـن جبـال طويـق والا هضبـة الصمانـي
دار ابـو متعـب وهـو منـا وحنـا منـه
وش لنـا بالجاهـل المتغطـرس الغلطـانـي
وانـت واشكالـك دعـاة الانحـلال وفنـه
شعركـم ماجـن وظاهـر قولكـم عصيانـي
اللـي يشوفـك تطامـر قـال ذا وش كنـه
مطلقينـه مـن شهـار ولا يـزال يعـانـي
لا تغـش النـاس ثـم تحسبـهـا ممتـنـه
وانـت حلـو لسـان لكنـك قليـل احسانـي

مع تحيات أخوكم / محب العرضة