Tweet
هدية العيد للغالين قلبٍ سموح = زلات الاحباب يدمحها بطيب الوصال
ابعتبر كل زله من طرفهم مزوح = واهم شي انهم مايسمعوا قيل قال
بترك لهم صفحةٌ بيضا صفتها الوضوح = واسدي لهم من جميل القول صدق المقال
لعلهم يعلمون اني حريص ونصوح = لافرقوا الشمل لميته على كل حال
إن كان غيري يحب الهدم انا ابني صروح = بين الفريقين فرق ولا يبي له مثال
ياعيد بالله تكفى لا تثير الجروح = ما عاد بي للجروح المقبلات احتمال
أقبل بوجه البشاشه والكريم السموح = تكفى طلبتك وتكفى ماتطوف الرجال
تكفا تبسم وحسسني بطعمك وروح = من شان يبقى لجيتك الجديده مجال
تعليق