هذه المحاورة دعوة للاستمتاع فقط ونقلتها هنا للمتعة ولزوار المنتدى فهي محاورة بحجم شاعرية الاثنين :

محمد عيضة (بدع)
ياسلام الله يابو عبدالله*********كثر مالدنيا تضيم الونعم

السلام لمثلكم في حله*********جيت باعلامي فقلي تسلم

ابو عبدالله (رد)ابو ثامروكلام يصل له ******** وبنرحب به وربي يعلم

وإن قلبي لويبرد غله ******** كم نويت اسقيك من زمزم

محمد عيضه (بدع)غبت واحسبتك تجيب الغله******وبنعيّن خير ..وبنتقسم

اثرك في حله وانا في حله!!**مانحن باخوان والا ابني عم

ارتباك البحر سبب خله **** وغلطة الشطار دايم تعظم

جل واحد مامضته الزله*****تب لوجهه عالخطا وتندّم

ابو عبدالله (رد)جيت واحسبتك زعيم الشله ***** وفرحنا بـك ومثلـك يفهـم

علمك في قلبي عرفته كله ***** خوة الاسـلام وانـا المسلـم

والبحر كثره يعوض قُله ***** والعيون بحـور يابـن الهيثـم

وابن لك قصرٌ وسر في ضله ***** وخل عينك للسماء لا تضلم

وصد عن بالنظر وتغله ***** واعلم ان الوجه لـك يابـن ادم

محمد عيضه (بدع)سوهـا خمـسـه ولابـاذلـه.......وان تضاعفهـا فلانـي مهتـم


البحر ماهـوب بيـر الجلـه......فرق في الواقع وجوف المعجم


والله لوما القتل ضـد الملـه.......لاقتلك بالشعـر وانـا اترنـم


هذا والدعـوه مـزوح وفلـه.....خل اذا ضقنا عسى الله يرحم


شفت وين الفرق ويش العلـه......انـي متحلـل وتـوك تحـرم

ابوعبدالله (رد)
وش لبو زيد الهلالي وش له *** ويوم تاجر بالذرة والسمسم

يمكن ماعنده نقود وعمله *** وإلا ما حد قـال لـه يافنـدم

الذي جاهل رمى به جهله *** واللـي دوّر لسلامـة يسلـم

ياكثير النوم قوم وصله *** ما نفعك النوم طـول الموسـم

أصح من عقلك وكب الغزله *** وانا لحمي مُر مثل العلقـم
محمد عيضه (بدع)
شف موازين القوى ..مختله....ثم حكم لي ضميرك واحكم

صرت كنك دولـة محتلـه......شعبهـا لازم ابكيـه الـدم

والا ابو زيد الهلالي خلـه....راح والله عن حيانه يعلـم

صغر اللقمه لاجـل تبتلـه.....لاتجاكرني لنفسـك تظلـم

يابـو عبـدالله نصيحـه لله.....جبّر عظامك قبل لاترجـم!
ابو عبدالله (رد )
البليهـد والفريـق النملـه.....يعرفون المتهـم والمجـرم

وأنت لك قبله وانا لي قبلـه....كنّك ما مريت وادي المحـرم

اللي ما وقّف لربعه واهلـه....طاح سوقه مثل سوق الاسهم

السيـوف البارعـة منسلـه.....والفرس مرهون والخيل ادهم

والطير اللي ما عرفنا شكلـه...سموه الناس الغراب الاعصم
محمد عيضه (بدع) بتغيير القافية :
لاهي ظروف الزمان ولاظروف المكان...غيرت قافي وانا في نشـوة الفايزيـن

تختارني خمس مية قافيـه فـي ثـوان...وانا اتخير سـواة السـوق والهابطيـن

واذا تقول الفرس ماهيب بنت الحصان...ماظن بك فطنـة الفـراس والعارفيـن

اضحك معك في القوافي والله المستعان....اقسم لك اني في الواقع وحيد وحزيـن
ابوعبدالله (رد)
شابت عليك القوافي قبـل تصبـح ثمـان...من طبعنا ما نجيـب إلا الكـلام الثميـن

تخاف تشرق عليك الشمس وانت المـدان...وبعدها وش تخلـص بـه مـن الدائنيـن

الله غنانـا ولا خـذ نـا فرسكـم رهـان...أرفق بروحك ولا ني لك مـن الشامتيـن

أذكرك تضحك وهذا مـن قديـم الزمـان..ورحت خالي الوفاض وعدت صفر اليدين
محمد عيضه (بدع)
يالربع وش لي لكم من قصـة الثعلبـان..يمثل المـوت وقـت الجـد لكـن يبيـن


توّك تدخّل عليّ اجيب لـك بحـر ثـان..وتقول تكفى تغير شف لنـا بحـر زيـن


وقلت تبشـر حشايـم عشرتـك يافـلان...فالقاف الاول مشـوّه وانشـد الناظريـن


لاهو جزا((سنّمار))ولا ب((حاكم عمان))سويتهـا يشهـد الله خيـرة الشاهـديـن


ابوعبدالله (رد)
صدنا طويل الايادي جاء طويل اللسان...يحرّف القول ويبـدّل هديـره حنيـن

بطاقة الشحن ماعندي عليها ضمـان...توّك لقيت الريال وتاخذ الملـح ديـن

ذريعتك واضحه والحيله حيلة جبـان...ماهو بطبعي تعـوّد كلمتـي كلمتيـن

نهاية العلم ماكل العصـي خيـزران...ولا طلبناك عند الشرع تحلف يميـن
محمدعيضه(بدع)
انته وانا والشعر والكل/شاهـد عيـان...والله يهدي الغوي ويصبّـر المستحيـن

كان اشتريت اسهمك ببطاقة الائئتمـان...مافي الربا خير والدنيـا لهـا تاركيـن

في شاشة العرض سهمك ماعليه الامان..ينزل وينزل وسابـك مايضـره لجيـن

حسان بن ثابت اوثق منك ..يالزبرقـان...والحيد لوتطبخـه حيد..معينـه يليـن!
ابوعبدالله (رد)
يـادان دانـه ودانـه دان ياليـل دان....هذي قصايدك من تالي وماضي السنين

الشعر ماهو برفع الصوت والهيلمـان...الشعر سبك المعاني والكلام الرصين

يكفيني اني نزلت الحفل والمهرجـان...يوم انت في وقتها قاعد مع القاعديـن

منغوليا ما حكمها مثل جنكيـز خـان...لكنه اصبح رافـت وخالـط الميتيـن
محمدعيضه(بدع)قل لي وش اوزاك تدخل بين روس زهران...مالك فـي الشعـر لاحجـة ولاشاهديـن


دخلت مثل الحصى/طلعـت مثـل اللبـان...حفيان حتى من الجـورب وخفـي حنيـن


اللـي تغـدّا بكذبـة مايحصّـل عـشـان...حقيقـة تكـسـر العينـيـن للناظـريـن

مااضطرنا نردي الماخـوذ بالجنبخـان....الا جزا اللي يخونون الحسن والحسين


ابوعبدالله (رد)
الحمـد لله منهاجـي وعلمـي مُصـان...ماعشت في شارع المحجر ولا بترومين

والشيعة فالمنطقة الشرقية سوّو جُنـان...قتل الحسين اربعينيـه ماهـي بربعيـن

يحرفون الكلام اللـي نـزل فالقـران...ويحلفون انهـم مـن قـادة المسلميـن

من عاشر القوم منهم صـار يالفيهمـان...ونسمع الجعجعه ولا نشـوف الطحيـن

محمدعيضه(بدع)
ان كان منهجك واضح مايبي لـه بيـان...وقف ولاتتخذ لـك موقـف ام البنيـن

الكعبة اللي بجـال بيوتكـم مـن يمـان...تحـج فيهـا وتتمسـح بركـن اليميـن

صنعت ربك مـن التفـاح والبرتكـان..وان حدك الجوع كلته..والبشر صايمين!

يالله يالله تساعدنـا بحـولـك عـشـان...نعـدل الشيعـه والكفـار والملحديـن
ابوعبدالله (رد)هدهد سليمان ما جاء بالخبر من معـان...جا بالخبر ماليمن ما كـان مالكاذبيـن

ما ودّنا بـك تضايـق كـان بالله كـان.....كفكف دموعك وخـل النقـد للناقديـن

كثر الحكي ما يفيـدك ياطويـل الاذان...يا وا حسايف على الاشناب والعارضين

وخوفك من الله رب العرش يامودمـان....والموت لو حان يقطع منك حبل الوتين
محمدعيضه (بدع)
فرعون؛كسرى؛ملك بيزنطه..الهرمـزان....كانـوا علـى ايامهـم حكـام متكبريـن


واليـوم ردوا ثيـاب العاريـه بالسنـان.....والحمـد لله رديـنـا بنـصـر مبـيـن


مايرتفع فوق صوتي غير صـوت الاذان.....اقولهـا بالفـم الملـيـان يالسامعـيـن


من يوم مارحت عن جدة صريع القيـان...وانا لك الله على احوالك مـن الناشديـن


ابغى اتبشر عسـى فكـرك تغيـر وزان....اثرك بعد لك افق ضيف وفكرك سجيـن


احسن بك الظن تطلع مثل موشي ديـان....ومهما اليهودي ضحك..يطلع من الحاقدين
ابوعبدالله (رد)
ما قلت لي قصـة الاكـراد والتركمـان...اللي لهم ورث في بابل وحصنٌ حصيـن

في انقره قبر مدري سجن لك ياوجـلان...والطالباني أذن من طين واخرى عجيـن

والفتنه ما شبّها إلا الكلب كوفـي عنـان....من شان يرضي زعيم الكفر بوش اللعين

وقولدمايـر تلعـب لعـبـة البهـلـوان....أهدّت مناحين بيقن قبلـةٌ فـي الجبيـن

وانحن قصصنا تحدث عن جُحا والاتـان....والمشكلة إنا نُعد اجيال تحمـي العريـن

شباب الاسلام خلف اهل الطرب والكمان...لا خير في طايفـة قدوتهـم المطربيـن
محمد عيضه (بدع)
ضحيـة القسـوه اثـاره ونقـص الحنـان....طفل هويـن علـى نفسـه وعنـدي مكيـن

وباسلوبي التربـوي طاولـت فيـه العنـان....وسويت حصـه علاجيـه وعـود رزيـن

مامثـل دمـع الطفولـة لاسفحـه الهـوان....الادمـوع العـذارى لاانظلـمـن وبكـيـن

الامر الآخر..اذا كان الفـرس لـه عنـان....شف كيف نقدر نخلـي الاقويـا حاسريـن

والوقعـة اللـي تسمـى وقعـة النهـروان....اكبـر نكايـه علـى الفجـار والخارجيـن

واللـي يتابـع فلـم عنتـر ولـي فيفيـان...يشوفهـم مستـوى واحــد ومتساويـيـن

عنتر ماهو عنتـر اللـي يركـب الغيهبـان....هـذاك تاريخـه اكبـر مـن يـد العابثيـن

ماحب رجـال لاجيتـه محارب..ضحـان...!يقـول مااقـدر عليـك ويرخـي المنكبيـن

انحت من الصخر واغرف من بحر لااستكان...تشوفـه اعـداه متجبّـر وهـو مستكـيـن

ابـو النقايض..مقابـل للـدرر والجـمـان....الحتف والخوف لاهل الغـوص والعابريـن

يعنـي انــا والشعر_بالنحو_متفاهـمـان....اوردتـهـا بالفصـيـح ادرس الجاهلـيـن

شقـق ثيابـك ونح..ماعـاد فيهـا مــزان....ماكل الاحوال فيهـا يغـدي الصبـر زيـن
ابوعبدالله (رد)وصلـت تعبـان سكّنـاك فالمرديـان...وقمت جيعان عشيناك عجـلٌ سميـن

قلنا مسافر يجوز الفطر له برمضـان...ثم أقبل العيد قلنـا لـك مـن العايـدن

لكن من عاش متغربـل يعـوّد مهـان...واللي حفر حفرة الفتنه وقع فالكميـن

غبّر على قرنك المنكـوس ياعفـرزان...والله لبـاقـي تـقـل لله يامحسنـيـن

لو سجّلو باسمك أكبر قصر في تلمسان...ما يعجبك مثل هز الوسط ياصابريـن

بن لادن أسس مع الملا عمر طالبـان...وسانده فـي وزيراستـان عبدالمعيـن

وعقبه بن نافع اللي عمّـر القيـروان....والحكم فالمغرب الاقصى لبن تاشفيـن

قصايدي شرح ما يبغى لهـا ترجمـان....والحمد لله وانـا لـه مـن الشاكريـن

باقي نعلمك من هو ريـس البرلمـان....اللي سجن جدك الثالث عشر مرتيـن

مانته بمجبور تسكن في بلخ واصفهان...خلك على عادتك من مصر لام القوين

مثلك وشرواك ما ينجح في الامتحـان....أسمك في القايمة اسوداء مع الراسبين

حقيقة العلم ما نـارٌ بـلا ايـا دُخـان....وأنا اخبر العين ما تعلى على الحاجبين
محمد عيضه (بدع)قلنا تحزّم...ماقلنـا اقعـد علـى الهنـدوان....بعـض القـرادة تراهـا دعـوة الوالديـن


في الكيميا عنصر((البنتـان)) فيـه احتقـان...سبة تصـادم بسيـط بعنصـر الاكسجيـن


واللي مختنـك عنـده سـر يـوم الختـان.....سمـوك يحيـى وهـو سمـاك بالياسميـن


كنا نطبل علـى ظهـرك ونسمـر عشـان....والصبح يصبح عليـك ويلقفـك ليموزيـن


واليوم رحت القرى..تنشد عـن الفرقـدان....حتـى وصلـت لبيـوت العالـم الطيبيـن


لوكنت موجـود ساعـة ماعقـدت القـران....شهدت ضـدك شهـادة حـق ذمـه وديـن


سلخـت جلـدك وغيرتـه كمـا الافعـوان....وانته كما انته ردي واهلك مـن الاكرميـن


تتذكر اللـي معـك يشـرب معسـل روان....ويشوف في نظرتك جنـه وحـور وعيـن


وبيوتـك اللـي تشابـه صنعـة البشبشـان....فيهـا تدنـس اسامـي الخلـق والفاتحيـن


والصوت بعضه شجاعه وانت صوتك رغان...تحسب كلودا الشمالي مثـل طـه حسيـن


صحيـح تتشابـه الابقـار غيـر الحسـان....اللـي يسمونهـا العالـم بقـر معشـريـن


والرفق بالعجم والحيـوان فضـل وشـان...نرحم على شان يرحـم ارحـم الراحميـن



من حسن حظ البقر تفرح وتدعـي دعـان...جمعية الرفق انـا فيهـا مـن الناشطيـن!
ابوعبدالله (رد)
عندك سوابق عديـده واثبتتهـا اللجـان...شابت عيون الحرامي بين جيـمٌ وسيـن

تكسّرون البنـوك وتسرقـون الخـزان....شقتك في جدة كانت مرتـع الداشريـن

تشهد عليك الصكوك وبصمتـك بالبنـان.....صحيح ما تعرف الكربون والنيتروجيـن

لا تحمل الغبن عش سربوت والعمر فان....واسهر مع عمك العربيـد يـوم الثنيـن

على مضض قلت راسك كان قاسي ولان....الله كم طاح راسـك فالمواقـف وهُيـن

والمزرع اللي نتاجـه بـرك وبعيثـران....وشلون به تزرعون القـات يازارعيـن

يا مابعد الفرق بين القـات والزعفـران....بُعد الثـرا ع الثريـا فيـن هـذا وفيـن

الشوك من يزرعه ما يجني الأرجـوان....والصدق منجاه والكاذب مـن المفسديـن

لا تلبس القنسوه مـا تعـرف الطيلسـان...ما كل مره يفيد الشعـر يـا ذو رُعيـن

توّك جويهل ولا تـدري بحكـم اللعـان.....لو تنشد اهل التُقى يعطـوك علـمٌ يقيـن

انته ومثلك من الشعـار ماعـز وضـان...والذيب يعوي ولا يدري بـه المحتجيـن

يا مسرعك عندما عينك تشوف الجفـان....ما كنّـك إلا مـن الصومـال يابوبُطيـن

أما بشأن العجاف اللـي كلتهـا السمـان....فامعوضٌ خيـر ف الميـه وف الميتيـن

إن من الشعر لحكمة .