Tweet
يابو هشام اسمع كلاما نقوله=يوما ذكرت اصحاب بالمر تجينا
وذكرت سيفا راح واقفت نقوله=من بعده اقباسين بارود فينا
وذكرت عودا جايراتا حموله=حينا يوصلها ويرتاب حينا
وازريت يوما وثقوا له عقوله=اسمع صريف انياب له والحنينا
واهل العدا في كل شعب احتجوله=مايحسبون احساب دنيا ودينا
انظر لهذا الكون عرضه وطوله=ماعاد فيه الا كلاما دفينا
ان قلت انا باسعى لدرب الرجوله=حطوا لنا داين وحطو مدينا
وان قلت ياربعي رجال الحموله=قالوا تصدر قم ولاتعتزينا
ماجور ياعودا بنا بالبطوله=ماشار لاخاين ولامرجفينا
فوق المعادي حط صوله وجوله=ولاليلة يمسي من الخايفينا
يالله ياربا عليه التكوله=تغفر لنا من حين رحنا وجينا
انت العظيم الخلق دوم ارتجوله=ارفق بزلات القدم لاهوينا
في يوم ماينفع حصان وذلوله=ولابينجدنا القدم لامشينا
صلاة ربي عد داقل سيوله=على محمد عد مر السنينا
تعليق